Псалмс 121 - Хальмг келнд орчулсн Әрүн Бичлһс

Давидин өөдлһнә дун.

¹ «Деед Эзнә сүмд одий», – гиҗ келхлә, би байрлув.

² Ерусалим, бидн ода Чини үүднд зогсчанавидн.

³ Ерусалим балһснд Әмтн ни-негәр бәәнә.

⁴ Терүнд Израилин закаһар Деед Эзнә нер туурулхар Деед Эзнә отга улс орна.

⁵ Тенд Давидин тохма улсин ширә бәәнә, Терүн деер эврә улсан чикәр залхар тедн суула.

^6-7 – Чамд дурта улс амулң бәәтхә! Чини төвкнүн бәәдл тогттха, Чини бәәшңгүдт әәмшг уга бәәдл тогттха! – гиҗ Төвкнүн бәәдлин төлә, Ерусалимин делгрлтин төлә зальврцхатн.

⁸ Би һарлцсн, өөрхн улсиннь төлә келҗәнәв: «Ерусалим, эвтә җирһл чамд батртха!»

⁹ Мадна Деед Эзн Бурхна сүмин төлә Би зальврнав. Бурхн чамд делгрлт өгтхә.