Псалмс 120 - Хальмг келнд орчулсн Әрүн Бичлһс

Өөдлһнә дун.

¹ Толһаһан өндәлһҗ би Тер уул хәләнәв. Ода мини дөң Альдас нанд ирхмб?

² Деед Эзнәс дөңм ирнә, Делкәг үүдәсн Терүнәс ирнә.

³ Чамаг Тер бүдрүлшго, Чамаг хадһлҗах Тер үрглшго.

⁴ Э, Израилиг хәләҗ хадһлҗах Тер Эврән үрглшго, унтшгонь ил.

⁵ Деед Эзн чамаг хәләҗ хадһлҗана, Деед Эзн хаҗудчнь Чамаг халхлҗах сүүдр мет болҗана.

⁶ Чамд өдрт нарн харшлшго, Чамд сөөд сар харшлшго.

⁷ Деед Эзн чамаг хортнас харх, Деед Эзн чини әмичнь харх.

⁸ Деед Эзн эндрәс авн мөңкинд Чини җирһлиг харх.