Псалмс 115 - Хальмг келнд орчулсн Әрүн Бичлһс

¹ Би Деед Эзнд иткләв, Тегәд келләв: – Би дегд цокгдув.

² Би әәхләрн келҗв: – Цуг улс худлч, – гиҗ.

³ Деед Эзн цаһан санаһан күртәснд Би ю өгхмби?

⁴ Деед Эзн намаг аврснд Би ханлтан өргәд, Чаһр авч ирнәв.

⁵ Деед Эзнә улсин нүүрт Би андһаран күцәнәв.

⁶ Әрүн улсиннь үкл даахд Терүнд йир күнд болҗана.

⁷ О, Деед Эзн, би Тана ялчв. Би Тана ялч болн ялчин көвүмб. Та намаг бәрәнәсм сулдхвт.

⁸ Танд ханлтан өргәд, Би бәрц бәрнәв, Тана нер дууднав.

^9-10 Тана улсин нүүрт, Тана әрүн герин һаза, Ерусалимин дунд, Би андһаран күцәнәв. Деед Эзиг магттн!