Йов 6 - Хальмг келнд орчулсн Әрүн Бичлһс

Йовин өгсн хәрү

¹ Йов иигҗ хәрү өгнә:

² – Кемр мини зовлң чиңнүрдсмн болхла, Чиңнүр деер мини дуту хөвим тәвхлә –

³ Теңгсин элснәс күнд болх билә, Тер учрар би халад келв.

⁴ Хамгин Күчтән саадг махмудтм, Мини сәкүсн терүнә хорар ивтрв, Бурхнас икәр әәлһлһн намаг ээрвә.

⁵ Зерлг элҗгн элвг өвснд оркрҗахмб, Идх хот бәәһә бәәтл цар мөөрчәхмб?

⁶ Амтн уга хотыг давсн угаһар идҗәнү? Таргин шар уснд амтн бәәнү?

⁷ Би тиим хот көндәхәсн җигшнәв, минь эннь муульта цагтм идхуух хотнь болв.

⁸ Кемр сурсм күцсн болхла, Бурхн нанд нәәлвр белглсн болхнь –

⁹ Намаг алад уга кехәр шиидх билә, Намаг цокад уңһахар һаран өргх бәәсмн.

¹⁰ Чилшго муульта бәәдлин дунд Тер нанд дүрклһн, таалмҗ болх бәәсмн. Би Әрүн Бурхна үгмүд һазалсн угав.

¹¹ Цаарандан тесҗ бәәхин төлә Альдас чидл авхмб, Ямаран чилгч күләхмб?

¹² Мини чидл болхла – чолунла әдлий? Мини цогц болхла – күрл төмрлә әдлий?

¹³ Нег чигн юмнд нанд күцәмҗ уга, Эврән бийдән дөң хәәхмб?

¹⁴ Нәәҗдән буйнч седклән эс күртәснь, Хамгин Күчтән өмн әәмшгән геесмн.

¹⁵ Мини нәәҗнр Һооҗур мет тогтун биш, Һолас һооҗҗах усн мет хүврнә.

¹⁶ Тедн хәәлсн мөснә бутьхагта болн цасна хәәллһнәс шуугата.

¹⁷ Болв цагтан тагчград, баһрад, халунд һооҗур хагсна.

¹⁸ Тиигхлә зуульч әмтн хаалһасн хаҗинә, Көдә һазр тал йовна, тенд үкнә.

¹⁹ Теман һазра зуульчнр усна урсхул хәәнә, Шебә гидг һазрас йовсн күн ус хәәҗ мәәртнә.

²⁰ Болв теднә нәәлвр худл болна: Хагссн һуурһлд күрәд цөкрнә.

²¹ Тадн ода бас нанд теднлә әдл болвт: Зовлң үзн әәцхәвт.

²² Би таднд «өгтн» гиҗ үг келлү? Эврәннь зөөрәс хувалцтн гиҗ келлү?

²³ «Намаг дәәснәсн харстн, Зовадг әмтнд авлһ өгтн», – гиҗ келлү?

²⁴ Намаг дасхтн, би тагчгрсув; Нанд цәәлһҗ өгтн – мини эндү юундв.

²⁵ Үнәр келсиг даахд күнд, Болв тана сурһмҗ ю дасхҗана?

²⁶ Тадн келсн үгд татлднат, Хөв уга күүнә келн Таднд – салькна шууган!

²⁷ Тадн өнчн күүг дәврәд, Эврәннь нәәҗдән хорта йовдл һарһнат.

²⁸ Чирәһән нанд үзүләд эргхнтә – Би танд худл келхий?

²⁹ Ухалтн, хорта йовдл һарһшгон төлә, Мини чикәр келсиг соңстн!

³⁰ Мини келнд хаҗһр юмн бәәнү, Үклиг би эс медҗәнү?