Йов 4 - Хальмг келнд орчулсн Әрүн Бичлһс

Негдгч күүндвр Элипазин келсн үг

¹ Темана Элипаз иигҗ хәрү өгнә:

² – Мини үгмүд чамаг шавтадг болвза, Болв яһҗ тагчг бәәхмб?

³ Олн әмтиг чи лавтаһар иткүлдг биләч, Сулдад одсн һарт чидл орулдг биләч.

⁴ Чинән уга күүг чини үг дөңндг билә, Бүдрәд ирсн күүнд түшгнь биләч.

⁵ Ода чамла зовлң харһв – чи үрүдвч, Чамаг көндәхлә, чи үүмәд бәәвч.

⁶ Бурхнас әәлһн чамд урмд өгчәвзә, Чини цеврцер хаалһ нәәлвр өгчәвзә?

⁷ Ухаллч: буру угаһар кен үксмб? Чик седклтә әмтн альд геедрлә?

⁸ Би үзләв: һазрин килнцтә хаһларт зовлң цацснь, Эврән терүнә темсинь цуглулх.

⁹ Бурхна әмсхләс тер үкх, Терүнә уурин үләснәс билрх.

¹⁰ Арслң аңгуд чаңһар хәәкрнә, Болв кичгүдиннь шүднь хамхрха.

¹¹ Олвр угаһар арслң үкнә, Олн кичгүднь салад гүүцхәнә.

^12-13 Олнәмтн бат нөөртән орсн кемлә, Сөөһин үүмәтә үзгдл дотр Нуувч үг нанд медгдв, Мини чикн шимндлһ соңсв.

¹⁴ Бийим чичрүләд болн Әәмшг ясндм күрв.

¹⁵ Сүмсн чирәдм үләһәд, Үсм дардаһад босв.

¹⁶ Тер хаҗудм үзгдвә, болв би Дүринь йилһҗ чадсн угав – Зуг тер өмнм эрвлзәд үзгдв. Әчимән уга. Би дун һарсинь соңсв:

¹⁷ «Бурхна өмн күн зөвтә болдви? Үүдәгчин өмн кен цеврви?

¹⁸ Нам зарцнртан Тер иткхш, Бурхна элчнрст чигн дуту олна.

¹⁹ Теднәс даву – элсн деер зогсҗах Шавр гермүдт бәәх әмтиг Гүүрәс амрар цокҗ болх.

²⁰ Өрүн бәәлә, асхнд уга болҗ одна – Мөңкинд әрлсинь медш угач;

²¹ Теднә герин өркин һол деесинь татад авхла – Цецн бәәдлд орлго үкх».