Йов 25 - Хальмг келнд орчулсн Әрүн Бичлһс

Билдадын келсн үг

¹ Шуахас ирсн Билдад иигҗ хәрү өгнә:

² – Терүнд йосн чигн, әәмшг чигн бәәнә; Эврәннь өөдмдән Тер төвкнүн бәәдл белглнә.

³ Терүнә цергиг тоолҗ болдви? Терүнә герл кен деер эс герлтнә?

⁴ Яһҗ күн Бурхна өмн гем угаһан медүлхмб? Күүкд күүнә һарһснь цевр болхий?

⁵ Хәләлч, нам сар герл уга Болн Терүнә нүднд одд чигн герл уга.

⁶ Күн болхла өтн, Күүнә отг – хорхас болҗана!