SOLOMON LA 1 - Khualsim Bible

¹ Khinthu Biazai Solomon sin Apmi Hla.

Tiing Khatnak: Corua leh a Duale Lengnu

² Ma hnam ta seh ti’n daw ing a hmurka te in; Na khintlung ni sabitzu hleih thlumsawn ee!

³ Na hnulh thathau a rimhmui te zaam luaimai, rimhmui bun rim na minthang, cuvangah lengle duh-raan na hi cu.

⁴ Ka hruai sawh law na zaṭial kut in, kal ṭetṭo si law; mangbawipa ni inndan sungah luhpi ai. Lungnuam-tele’n leng thlaimai ‘si nang zuun sung, na zuun khun zia sabitzu hleih ti’n kan lawm lei, hetakngai ee lengle duh-raan nang hi ci.

⁵ Dum hman ning law iangngei ing, Maw Jerusalem lengrual aw; Kedar thlaam mang dum hman ning, Solomon puanzaar dawh hluan ing.

⁶ Ṭheplo le’n ka dim hlau’ law ka dum vang, ninu lin em sat pan ni. Seempi ṭaale ka cung an thinling, an sabit duum ma veenter, ka sabit duum veeng lo le’n

⁷ Zuun aw ka sim sawh ai law, na turun khoi na tlonter, ni sunbir lai caang zawn ah, khoi maw na tuu na zauter? Zei-ah hmen maw na val hawile turun lak, hmel khummi mang ka leen lei?

⁸ Mui dawh sungcem nu aw, khoizawn ti’n na hngalh lo ‘cun, zul law an sul turun rualle khi, bualsak hngai law meeno rualle khi, tukhalle puanthlaam hrialah.

Nupitu, Hawile, Mo Biaksontiak

⁹ Ka tahsun ee lungduh aw, Faraoh lengdir sainu khi.

¹⁰ Na biang no dawh, na thom hluaisawn samphiar thawn, lung mansung ṭhirual von duum ai na hngawng.

¹¹ Ngun ben ṭial mawi sui thuamthil, na caah ti’n ser ai ‘hu.

¹² Donṭhiang cungpar rizau lai lio mangbawi khi, na rimhmui ni han zeel ngai.

¹³ Zuun cu ka ca’hcun ka siang cung pom myrrh thawl hluan ngai.

¹⁴ Ka tum valpa ka ca’hcun, hena parborh hluan, En-gedi sabit duum kho rimhmui khi.

¹⁵ Zei lo muisung tuk ci lungduh aw, zei lo iangngei ci; na mit te ni ṭhuro nunnem mang, no in iangngei tuk ai hna.

¹⁶ Awi thiam hla’ng ee, dim ing lungduh aw, iangngei ci; kan tlingkhandang kan zaunak ni hring ziarzuar.

¹⁷ Kan remhlei ruun namhlawn sidar thing, a hreh ah far thing ṭha in.