इबरानी 11 - Korwa Bible

मुरुक मरंग बिसवास

¹ अबूराः बिसवास अबू असराता हना कताकून पका-निकागोडता अरू मेरबू ञेनेलता, हना कताकून सनाताय हवे माःआन एचे सुदीबाःकाता।

² अबूरिकुःआ खुटिपरिया होड़कू बिसवासतेरा, हनालगा भगवान हँकूय भल-भलायवातेरा।

³ बिनिसवासते अबू सुदीयता, जमा राइजबड़ी भगवानराः हुकुमते बड़ाँवयना, अरू नाःआ जमाकून ञिलुःतना हना जिनिसकून अते मेर बड़ाँवगना।

⁴ बिनिसवासते हाबील वगात काइन अते मुरुक नाय नपाय बलिदान भगवान लगाय देगतेरा अरू भगवान हाँयराः बलिदान बदीरेय ननायनेना। हनानाः लगा हाबील बेगर गारबारीग होड़ हवे, माःआन भगवान भल-भलायवातेरिया। हाँय गोएगयनाय हनारे हों, नुँहू वरी हों हाँयराः बिसवास बदीरेबू चेडगोड ञवनतना।

⁵ बिनिसवासते हानोक मेरेय गोएगगान अरू भगवान हाँये रेम गोःयरा। हनालगा तोनोंगीग हाँय मेरकू ञाम अवेगडीग। रेम गोःगेय अते मड़ंग भगवान हाँय सुदाय ननायनेना माःआन, हाँय बदीरे ओजाःतो इदा।

⁶ बेगर बिसवासते अबू भगवान कहियो ओरोबू एचे ननाय अवेतिरिया। भगवान एचेरेकू सेनता हँकुःआ होड़कू भगवान इनीदानिया अरू हाँय जीवन-जाततेकू ञमेयता, हँकू लगा हाँय इमाने एनेमेयता, माःआन बिसवासगे लगा इदा।

⁷ बिनिसवासते नूह, कहियो तोनोंगीग मेरकू ञेलगातेरा हना कताकून बदीरे भगवान सेतावतिरिया दो हाँय हना कताकूने मनावबाःयान। अरू आँयग अरू आँयगरिकुःआ मइछुवाकू बनसाः लगा भगवानराः अकूस मनाः घड़ीन मरंग दाः जहाजे तुलातेरा। नाःआते हाँय होड़कूराः कसूरे फड़ियावगोतेड अरू नूह भगवान एचेरेय बिसवासतेड अते भगवान हाँय बेगर गारबार होड़ हवे माःआने मनेवातिरिया।

⁸ बिनिसवासते इबराहीम भगवानराः कताय मनावनेना। हनालगा भगवान हाँय इताडगेय लगाय ओंगोल दोहोतेरा हनानाः देसरे सेन लगाय हुकुमवातेरिया दो इबराहीम, ईंग करा होरिंग सलाःतना, माःआन मेनेरेय सुसुदीःआ। हनारे हों हाँय भगवानराः कता मनावनेनखन सेन लगाय उडुंगयान।

⁹ बिनिसवासते इबराहीम भगवान जबानतेरा हना देसरे दुरीन देसरीग होड़ इया कुंबारेय दोहोना। आँयग बेटा इसहाक अरू कोड़ारतो एकूब हों हनानाः जबानराः इताडदारकिन दोहोना अरू हँकिन हों इनिबराहीम इया कुंबारेकिन दोहोना।

¹⁰ ननन इया भनगवान अनँयग ओंगोल इया बड़ियाड़ते नेवकेडखने तुलातेरा हनानाः सेरमो देसराः सहर लगा इबराहीम टकागोड ञवना।

¹¹ बिनिसवासते साराह डुकरीयाने, हनारे हों जबानकेरा हाँयग भगवान बिसवासगेयीग इदानिया माःआने सुदीबाःकातेरा अरू हाँयके लँइग होयायान।

¹² अरू ननन इया इबराहीम डोकरायाने, हना अते हाँयराः देह दगली गोएगतो इया दोहोना। हनारे हों हाँय अते सेरमोरिकुःआ इपीलकू अरू समुंदरराः बितील बरोबइर हाँयरिकुःआ नइड़-बाँस होड़कू मुरुककू बगरायना।

¹³ हँकू जमाकू बिसवासकेडखनकू गोएगयान। अरू भगवान जबानतेरा हना हँकू मेरकू पवावगान। मनदो भगवान जबानतेरा हनाकून हँकू लनंकाते ञेलकेडखनकू अहाल बहालयान अरू हँकू अबू चउंदीसरे दुरीन देसरिकुःआ होड़कू इया इदानबुःआ, माःआनकू मनावयान।

¹⁴ नाःआ इयाकू कतायता हँकुःआ होड़कू उदुःगेता, अले अँननलेराः देसले ञामतना, माःआन।

¹⁵ हँकू उडुंग वेगनेना हना देस बदीरेकू ओंगोलकेः दो, हँकू हनानाः देसरे अरूकू कुदा जुवाःकुःआ।

¹⁶ मनदो हँकूराः जीव हना अते हों मुरुक नाय नपाय देस, मने, सेरमो देस लगा टक-टक दोहोना। हनालगा भगवान हँकुःआ होड़कूरीग भगवान हवे माःआन एचे कतान लगा मेरेय गियुःता। अरू भगवान हँकू लगा मीटोंग सहरे संजोड़ दोहोकेरा।

¹⁷ बिनिसवासते इबराहीम, भगवान अंदजावतिडिया हनमेला आँयगरीग मिनीटोंग बेटात इसहाक बलिदान देगगेय लगा सपड़ावयान।

¹⁸ ननाँयग इसहाक बदीरे भगवान इबराहीम एचेरे मड़ंगरेय जबानतेरा, “आमरीग बेटा इनिसहाकते आमरिकुःआ नइड़-बाँस होड़कू बड़ाँःता।”

¹⁹ इबराहीम आँयग जीवरेय ओंगोल दोहोबाःगोतेड, भगवान गोएगतो होड़कू जियाव रेमकू लगा जंगरदार इदानिया, माःआन। अरू भगवान रोंकावगोतेडीग अते अउल-तउल इया हाँय गोएगतो अते जिनियाव रेमतो इसहाके पवावनेना।

²⁰ बिनिसवासते इसहाक बनर बेटाकिन एकूब अरू एसाव भलावातेडकिनखने कतातेरा, अबाराः जीव-जहन नपाय दोहोन, माःआन।

²¹ बिनिसवासते एकूब हों गुजुः मेला, अनँयग बेटा उसूपरिकिनाः बनर बेटाकिन भलावातेडकिनखने कतातेरा, अबाराः जीव-जहन नपाय जुवाः, माःआन। अरू आँयगराः हापते तुनु टेकावकियानखन भगवाने जागतेरा।

²² बिनिसवासते उसूप गुजुः गुजुःआय हनमेला, मिसिरी देस अते भगवान इसराएल होड़कूय एचे उडुंगकूता हना बदीरेय कता उदुःतेरा अरू हँकू सेन मेला आँयगराः जांगकून हों गोः लगाय हुकुमवातेडकुःआ।

²³ बिनिसवासते मोसेसरिकिनाः एंगा-अपाकिन हाँय जनमावनेन मेला पेय महिना वरीकिन ओकोकातेरिया। नाँयग लँइग मुरुक सुघर इदानिया, हनाकिन ञेलतेरा अरू पिरोन राजाराः हुकुम हों मेरकिन बोरोवागाड।

²⁴ बिनिसवासते मोसेस हाँय सयाँड़नेनखन हाँयग राजारीग कोड़ारतो हवे माःआन एचे कतान लगा मेरेय एमेगाड।

²⁵ हाँय कसूरकेडखन गुनहोन बेला वरी अहाल-बहालरे दोहोन अते भगवानरिकुःआ होड़कू सुदा कटसिया सहाव लगाय सुनावबाःकाड।

²⁶ भगवान अते पवाःता हना इमान लगा हाँयराः जीव टक-टक दोहोना। हनालगा मिसिरी देसराः आन-धान अते, मसी लगा एचे बेग-हतान मरंगे ओंगोलबाःकाड।

²⁷ बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।

²⁸ बिनिसवासते मोसेस पसहा परोब अरू बलंगी इरचीराः रिती-बिधीय बुँहड़ीगोतेड। अरू ननानाः अते मरंगीग लँइग ञेड एएंडा लगाय वेगा हाँयग सेरमो देसरीग बराहील इसराएलरिकुःआ होड़कूरिकुःआ मरंग लइंकू मेरेय ञेड एंडागाडकू।

²⁹ बिनिसवासते इसराएल होड़कू लाल समुंदरराः तनालाते झुरा ओतरेकू सेने पारयान। मनदो मिसिरी देसरिकुःआ सइना होड़कू हनन इया सेने पार लगाकू कुरनिसतेरा दो, दाः टपु रेडगोतेडकू अरूकू बुडाव गोएगयान।

³⁰ बिनिसवासते इसराएल होड़कू एरीहो सहरराः मरंग हताराः धरी धरी सात दिन वरीकू किंदरावनेन दो हना मरंग हता वाः बोलोयान।

³¹ बिनिसवासते मड़ंगरे सनही अइमीय दोहोना हाँयग राहाब इसराएलरिकिनाः बराहीलकिन वेजेडा दो, हाँय हँकूय नेत-नेवारतेडकुःआ। हनालगा भगवानराः हुकुम मेरकू मनाःआ हँकुःआ होड़कू सुदा हाँय मेरकू ञेड एंडागडीग।

³² ईंग नाःआते अरू चिलायिंग कता? गीदोनराः बदीरे अरू बराक अरू सिमसोन अरू इपता अरू दाऊद राजा अरू समुएल अरू भगवानरिकुःआ एटाः बड़रा कता होड़कू बदीरे कता उदुःगे लगा ईंग एचेरे बेला कोवानेःआ।

³³ बिनिसवासते हँकू एटाः राजाकू अतेकू जितावयान अरू सतायतेकू फड़ियावतेरा अरू भगवान जबानतेरा हनाकू पवावनेना अरू कूलकूराः आहकू रिपूडगोतेड,

³⁴ अरू हितकाःतो सेंगेलकू लडेगगोतेड अरू हँकू ञेड एंडा लगाकू सपड़ावनेना हँकू अतेकू बनसावयान। बिनिसवासते अबड़कू दोहोना हँकुःआ होड़कू बड़ियाड़यान अरू लड़ाइ लगाकू डीड़यान अरू दुरीन देसरिकुःआ सइना होड़कूकू हरुवावतेरा।

³⁵ बिनिसवासते अइमीकू अँननकूरिकुःआ गोएगतो होड़कू जीयतकू पवावनेना। तोनोंग तोनोंग होड़कू मउर तेला तेलाकू गोएगयान। हँकू गोएगतो अते जियाव रेमकियानखन नाय नपाय जीव पवाः लगाकू चहाःआ अरू हनालगा गुजुः लगा सनपड़ावतोकू दोहोना।

³⁶ हँकू अते तोनोंग तोनोंग होड़कू एटाः होड़कू बेग-हतावातेरा अरू तोनोंग तोनोंगकू गुरुदतेकू ञेडतेडकुःआ अरू तोनोंग तोनोंगकू सिकिड़ीतेकू तोलतेडकूखन जेहेलरेकू एचे सींगगोतेडकू।

³⁷ तोनोंग तोनोंग होड़कू दिरितेकू तेके गोएग एंडातेडकुःआ अरू तोनोंग तोनोंगकू अरातेकू सिरावतेडकुःआ अरू तोनोंग तोनोंगकू तलवइरतेकू समाः गोएगतेडकुःआ। हँकू एचेरे कहिसाः मेर दोहोगान अरू हना लगाकू भेड़ाकूराः अरू मेरोमकूराः हेड़े तुसिंगकेडखन नाःआ हना अगीकू दँड़ा चुवेरा अरू सिकिसतारेकू दोहोना अरू एटाःकू हँकूकू बेग-हतावातेरा।

³⁸ चउंदीस हँकू दोहोन जुकूर मेर दोहोगान। हनालगा हँकू टयंगाब ततेररे अरू पहाड़रेकू दँड़ा हड़ाःआ अरू लातरे अरू डोडहारेकू बसाःआ।

³⁹ बिनिसवासतेरा नँकुःआ जमाकू सुदा भगवान ननाययना। हनते हों हँकू लगाय जबानतेरा हना हँकू अरीनकू पवाःआ।

⁴⁰ भगवान हँकू लगा एकला कोवान, मनदो अबू लगा हों मुरुक नाय नपाय कताये ओंगोल दोहोतेरा, जेमहा अबू बेगर हँकू अलोकू उडु-बुडू अवेन।