1 एहुना 5 - Korwa Bible

चउंदीस जीताव लगा बिसवास

¹ ईसू, मसी हवे माःआने बिसवासगेयता हाँयग होड़ भगवानरीग लँइग हवे। अरू हाँयरीग अपात सुदाय अलार-दुलारता हाँय आँयग अपातरिकुःआ लइंकू होंय अलार-दुलारकूता।

² अबू भगवानबू अलार-दुलारता अरू हाँयराः हुकुमकूनबू मनाःता दो अबू सुसुदीता अबू भगवानरिकुःआ लइंकू हों अलार-दुलारताबू।

³ अबू सतायरे भगवानबू दुलारता दो हाँय कताकेरा हना जमाकूनबू एचेगोड ञवनता। अरू हाँयराः हुकुमकून अबू लगा बोझा इया कोवानेःआ।

⁴ भगवानरिकुःआ जमा लइंकू चउंदीसराः बेलूर ओंगोल अरू कताकून अड़ाःकेडखनकू जीताव जुवाःता। अरू ईसू मसी एचेरे अबूराः बिसवासते अबू नाःआ बेलूर ओंगोल अरू कताकून अड़ाःकेडखनबू जीताव जुवाःता।

⁵ ईसू भगवानरीग बेटात हवे माःआनकू बिसवासगेतना हँकुःआ होड़कू एकला नाःआ चउंदीसराः बेलूर ओंगोल अरू कताकूनकू अड़ाः अवेयता।

भगवानरीग बेटात बदीरे हिदइत

⁶ भगवानरीग बेटात ईसू मसी चउंदीसरे दाः अरू बलंगीतेय वेजेडा। दो हाँय दाःरे बतिसमा एकला मेरेय गोःगाड, मनदो हाँय आँयग बलंगी हों तूःकेडखने गोएगनेना। सताय हवे हान भगवानराः सुद बिरुवा नाःआ कताराः हिदइते एमेयतना।

⁷ नाःआ कतारे पेयटोंग हिदइत इदा,

⁸ सुद बिरुवा, दाः अरू बलंगी। नाःआ पेनेय मिनीटोंग हिदइत एमेयतना।

⁹ होड़कूराः हिदइत अबू बिसवासगेतना। मनदो भगवान कताकेरा हना बड़रा होड़कूराः हिदइत अते अबू बगरा बिसवासगे लगा इदा अरू आँयग बेटात बदीरे भनगवान हिदइते एमेयतना।

¹⁰ भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

¹¹ भगवान नाःआ हिदइते एमेकेरा, हाँय अबू लगा ओरो टुटीगनेना हना जीवे एमेकेरा अरू हना जीव आँयग बेटात अतेबू पवावकिया।

¹² हाँयरीग बेटात सुदा इदानिया हाँयग होड़ एचेरे ओरो टुटीगनेना हना जीव इदा। अरू भगवानरीग बेटात सुदा कोवाया हाँयग होड़ एचेरे ओरो टुटीगनेना हना जीव हों कोवानेःआ।

टुटीग कताकून

¹³ भगवानरीग बेटात एचेरेकू बिसवासगेतना हँकुःआ होड़कू लगा ईंग नाःआ कताकूनिंग ओजाःगेतना, जेमहा अपे सुदी अवे ओरो टुटीगनेना हना जीव अपे लगा भगवान एमेकेरा, माःआन।

¹⁴ अबू भगवानराः हिछा इया हाँय एचेरे तोनोंगाःबू असे दो हाँय अबूय अयूमता। नाःआ अते भगवान एचेरे अरजी लगा अबूके डीड़ होयाःता।

¹⁵ अबू सुदीयता भगवान अबूराः अरजीय अयूमता दो अबू नाःआ हों सुदीयताबू, अबू असेकेरा हना भगवान अगीतेबू पवावकिया।

¹⁶ तोनोंगीग होड़ गुजुःमिन मेरेय कसूरगरा हना आम ञेलकेरा दो हाँयग होड़ लगा भगवान एचेरेम अरजी अरू भगवान हाँयराः कसूर बराव एंडाकेडखन जीवे एमेयता। मनदो तोनोंग तोनोंग कसूर, होड़कू एचेयता दो हँकू गोएग जुवाःताकू। गुजुःमिन कसूरकेरा हँकुःआ होड़कू लगा भगवान एचेरेपे अरजी लगा मेरिंग कतायतना।

¹⁷ होड़कू एचेयता जमा इयाःआ गारबार दो कसूर हवे। मनदो हना अते तोनोंग तोनोंग कसूर होड़कू एचेयतान दो हँकू मेरकू गुजुःता।

¹⁸ अबू सुसुदीतना भगवानरिकुःआ लइंकू ओरोकू कसूरगोड ञवननेना। भगवानरीग बेटात हँकूय बनसावता अरू बेलूर इदानिया हाँयग कलउ, हँकू तोनोंग इया ओरोय हानी अवेतेडकुःआ।

¹⁹ अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

²⁰ अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

²¹ ने ईंगरिकुःआ लइंकू इया होड़कू, अपे मुरतीकून अते तोरेपे दोहोन।