Yobu 23 - ALLALA KUMƐ

Yobuta Kumɛnu

^1-2 Hali kaka, n bi n yasere-masala Alla ye bawo hali n bi gbunya-kumɛnu fɔla, a ye n tɔrɔla.

³ Alako nun, n si a lɔn a ye kan min. Alako nun, n ya ala kiti tɛgɛ tinɛ lɔn.

⁴ N si nna kumɛnu takaran a ye a kila-bɛrɛbɛrɛ fɛ. N si n nyɛrɛ fɛka a yala.

⁵ N bi a fɛ ka a lɔn a si n yabi min na ka a lɔn a si min fɔ n ye.

⁶ A si sɔ n kan ma a sɛnbɛ-wɛ la, wa? A ti wo ma. N tenbi kumala, a si a wɔlɔ matɔlɔ n na.

⁷ Mɔgɔ-telennɛ le nde la. N si nta kumɛ rakaran a ye, a si a wɔlɔ matɔlɔ n na a kin na! A si nna kumɛ ban ka yoe di n ma.

⁸ Ni n ya tele-bɔɛ waralɛ mafɛlɛn, n ti Alla yen nyɔ. Ni n ya tele-yigi waralɛ fanan mafɛlɛn, n ti a yen nyɔ.

⁹ Ni n ya kantɔ-waralɛ mafɛlɛn, a si a dogon n kɔrɔ nyɔ. Ni n ya dugula-waralɛ bɛrɛn mafɛlɛn, n ti a yen hali!

¹⁰ Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

¹¹ Ni a ya kila-wo-kila sa n kɔrɔ, n bi tagamana wo le fɛ.

¹² Alla wa ko-wo-ko fɔ n ye, n bi wo le mala. Nde sako ma de!

¹³ Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

¹⁴ Alla ara min natɛgɛ nde ye, a si wo lakanbali. A ara miriya min suma ka bɛn n ma, wo kelen de kɛ la.

¹⁵ N bi yɛrɛyɛrɛnna kilan bolo a yakɔrɔ. N ba n miri kɛ bɛɛ ma, n kun ma si kɔ.

^16-17 Alla Sɛnbɛ-Bɛɛ-Tigita sɛnbɛ ara a ma, n ta ara faga a yakɔrɔ. Hali pinpi ara n yamatogon feu, n sa kilanna pinpi la fɔ Alla.