Yɛrɛmaya 45 - ALLALA KUMƐ

Marita Sarakanɛ Baruki Ma

¹ Yosayala den Yahoyakimta mansayɛ san nani nyɔgɛ ma Yuda nyamanɛ kun na, Baruki ya n kan wo bɛɛ sɛbɛ iko nde, Yɛrɛmaya ya a fɔ a ye nya min. Wo kɔma, n ya a fɔ a ye ko

² Isirɛlata Mari Alla ko

³ ile Baruki ko ale Mari ara dumɛ sa ila tɔrɔyɛ kuma. I ye a fɔla tun ko sulen-wo-sulen sa ile ma. I mun na ara tɛgɛ bandan bolo.

⁴ Kɔnɔ Mari ko ale ara min sɔ, a si wo labui. A ara min ki, a si wo wurun. A ko a si wo sigi duninya bɛɛ ma.

⁵ Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.