Yasowa 23 - ALLALA KUMƐ

Isirɛla Mɔgɛnu Makawandi-Koe Yasowa Bolo

¹ Wati siyaman tenbira tumɛ min, Mari ya lafɛrɛ di Isirɛla mɔgɛnu ma anu yogenuna ko la, ado Yasowa ara kɔrɔya kati!

² Yasowa ya Isirɛla mɔgɛ bɛɛsi kele, a mɔgɔ-ba wo, a kun-tigi wo, a kiti-tɛgɛla wo. A ya a fɔ anu ye ko,

³ “Kaka, n bara kɔrɔya. Wo ara koe bɛɛ yen Mari ya min ma sibolo-gbɛrɛ kɛ bɛɛsi la wolela ko la. Wota Mari le ya anu kɛlɛ wo ye.

⁴ Ma ya ma yoge min kɛlɛ wo, ma ma min kɛlɛ bɛ wo, n bara wo bɛɛsi ratala wo tɛma ka a dabira Yorodan bɛ ma tele-bɔɛ ha ka ke kɔgɔ-yi ma tele-yigi wara la.

⁵ Wota Mari Alla si wo yogenu gben wo yarɔ minnu siginɛ nyɔ. Anuta nyamanɛ kɛ bɛɛ si ma wotɛ la iko Mari ya lanyiri kiri ma ye nya min.

⁶ “Wo ni a ma wo fɛrɛma ka tɔn wo bɛɛsi bira min sɛbɛnɛ Musata tɔn-kitabu rɔ. Wo kana wo bɔ tɔn kɛnu fɛ hali!

⁷ Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.

⁸ Kɔnɔ wo ni bila wota Mari Alla fɛ iko wo ya a ma nya min fɔlɔ ha kaka!

⁹ Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.

¹⁰ Hali wole mɔgɔ kelen si ke ka mɔgɔ waga kelen gben bawo wota Mari Alla ye kɛlɛ kɛla wo ye iko a ya lanyiri kiri nya min.

¹¹ Wo ni a ma wo fɛrɛma ka wola Mari Alla keni.

¹² “Kɔnɔ ni wo ya wo bɔ wota Mari fɛ ka kofu sibole wonu ma minnu bara to wo tɛma ka anu ma wo furu-nyɔgɛnu na,

¹³ wo ni la a la worɔ serr, ko wota Mari Alla ti mɔgɛ kɛnu gben wo yarɔ mumɛ! Wo si ma ko-yogomɛ la wo ye iko gbɛrɛ, ni wo ma, iko dugu-denkɛ. A si gbɛlɛya wo kuma iko anu tenbi wo gbesila bosɛ la. A si wo dumɛ iko wɔnɛ tenbi wo yɛ rɔ. Wo si to tɔrɔyɛ rɔ ka le, ha wo dama si ban wola nyamani-hakikɛ kɛ rɔ mata Mari Alla ya min di wo ma.

¹⁴ “Kaka, n bara kɔrɔya, n siyi ma yan tun. Wole ya a lɔn wo yisi rɔ kaka ko mata Mari Alla ya ko-nyimɛ min bɛɛsi rabɛn wo ye lanyiri fɛ, wo bɛɛsi ara ma tonyɛ la. Mari ya lanyiri kiri fen-nyimɛ min bɛɛla ko la, wo mara tonyɛ la.

¹⁵ Kɔnɔ mata Mari Alla ya a tanɛ min sigi wo ye, ni wo ma ata tɔnnu bira, a si wo tɔrɔ.

¹⁶ Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”