Yaburi 61 - ALLALA KUMƐ

Matankalɛta Madiyali-Kɛ-Koe

¹ E, Alla, i wɔlɔ matɔlɔ n di-kɛ-kan la ka nna madiyali-kan lamɔɛn.

² Hali n fɛ-yan n barɛ la, ado n bi yisi-tinyɛ rɔ, n si i tɔgɛ rakele. Ta n na kan-tina-latankanɛ rɔ

³ bawo n natankalɛ le ile la. Nna tarɛ le ile la n yogenuna ko la.

⁴ Sɔn, n ni taran ila fani-bɔn kɔrɔ tuma-wo-tuma. N nakanan i kanban kɔrɔ.

⁵ E, Alla, i wara nna lanyiri-kiri-kannu namɔɛn. A bɛnta, i gbiliyalɛnu ni min sɔrɔn, i wara sɔn ka to wo dila nde ma.

⁶ I ni mansɛ siyi makofu. Alamɛ a mɛra ka to mansayɛ la fasai!

⁷ E, Alla, ila duwɛ ni taran ala mansayɛ rɔ burubukai! Ita hinɛ anubɛ ila lanayɛ ni a kandan.

⁸ N si to i tanto-bɛtinu bɔla i ye tele-wo-tele ka to nna lanyiri latɔnbagayala i ye.