Yaburi 24 - ALLALA KUMƐ

Mansa-Makawanɛta Sigi

¹ Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

² A ya duninya sɔ yi-rayan-bɛ kuma min bi dugu-kole kɔrɔ. A ya a kurukɛ kɔgɔ-yi-dumɛ kɔrɔ.

³ Yon si ke yɛlɛla Marita kɔnkɔ-sɛnimɛ kuma? Yon si ke donna ata Bato-Bon-sɛnimɛ la?

⁴ Fɔ minnu sɛninyanɛ anu kɛ-nya anubɛ anu miriya rɔ, ado wonu sa bɛsi kɔla, wonu sa foninya-sereya bɔla.

⁵ Mari si ata duwɛ layigi anu kuma ka anu kisi. Alla si a fɔ ko fɛɛ sa anu na.

⁶ Mɔgɛ kɛnu denu bi Alla nyini-koe rɔ, anu denu minnu sɔnɛ Yakobata Alla yakɔrɔ, kɔni.

⁷ Bato-Bɔn don-dɛ minnu kɔrɔyanɛ ara mɛ, wonu naka wɛ kɛ. Wo dɛnu naka alako mansa-makawanɛ ni don.

⁸ Yon bi mansa-makawanɛ kɛ la? Mari-sɛnbɛmɛ le ale la, Mari min si nɔlɛ kɛ kɛlɛ rɔ, kɔni.

⁹ Bato-Bɔn don-dɛ minnu kɔrɔyanɛ ara mɛ, wonu naka wɛ kɛ. Wo dɛnu naka alako mansa-makawanɛ ni don.

¹⁰ Yon bi mansa-makawanɛ kɛ la? Mari Sɛnbɛ-Bɛɛ-Tigi le mansa-makawanɛ wo la.