Yaburi 23 - ALLALA KUMƐ

Saga-Kandannɛta Sigi-Sɛ

¹ Mari si n kandan iko saga-kandannɛ si ala sagɛnu kandan nya min. A ye a mala, fenfen sa dasala n na.

² A ye a mala, n bi n diya iko sagɛ tenbi bin-kuran rɔ. A ye yi-diyamɛnu-tina yirala n na.

³ A ye n sɛnbɛ makofula tolon! Kilɛ min si a ma, Mari ni gbiliyɛ sɔrɔn, a si n bila wo fɛ.

⁴ Hali n bi tenbila saya-kilɛ pinpi-wɛ le tɔ, Mari si a ma, n ti kilan fenfen na bawo a ye n fɛ. Ale le ye n matankala ko-yogomɛ bɛɛ ma.

⁵ Ale le ye n nadiyala n yoge bɛɛ ya la. A ye n mala sundan-gbiliyanɛ la ka to n nafala tolon!

⁶ N ya a lɔn ko ala ko-nyimɛ anubɛ ala keninteyɛ si to n fɛ tɛban! Fananta n bi n kɛndɛ la, Marita bɔn ye n barayɛ la.