Yaburi 19 - ALLALA KUMƐ

Duninya Ladan-Ko-Gbiliyɛ Alla Bolo

¹ San-kole fɔlɔfɔlɔn si Allata kabana-koe yira ma la. Alla ara min ma, wo ye wo le yirala ma la.

² Tele-wo-tele, san-kole si Allata kabana-koe wara-koe fɔ a ta-nyɔgɔn-tele ye. Suyi min ba ke, wo si Allata kabana-koe rakaran a ta-nyɔgɔn-suyi ye.

³ Kɔnɔ a sa mɔgɔni-fin-kan fɔla, ado mɔgɔ ti anu kan lamɔɛn.

⁴ Hali anu bi kilayɛ min nakela, wo si ke duninya-tonke bɛɛ rɔ. Alla ya kan tinɛ do ladan tele ye san-kole ma.

⁵ A sewanɛ si bɔ sɔgɔma iko musu-kura-tigi, ni wo ma, iko buri-sɔgɛ ye buri-kɛla-nyana min na.

⁶ Tele si bɔ san-kole tɔnkɔn doi rɔ ka a buri tala furr fɔ a tɔnkɔn doi rɔ. Fenfen ti ke a dogonna tele ma.

Mari ya Ma Sɔ min Na

⁷ Fɛɛ sa Marita karan la. A si sɛnbɛ-kurɛ di ma ma. Mari wa koe minnu ma-koe fɔ ma ye, sika ti ma bira wonu ma-tinɛ. Ni min bi nyinina hɛnkili ma, Tɔn-birɛ si wo di a ma.

⁸ Mari wa minnu ma-koe fɔ mɔgɛ ye, wonu telenni de! Ni minnu sɔnta wonu ma-koe ma, wonu si sewa. Marita tɔn ti do latenbi do la. A si ko-kɔrɔ-lɔn di ma ma.

⁹ A kin ka Mari gbiliya. Wo le si to a la burubukai! Mari si kiti tɛgɛ a kila-bɛrɛbɛrɛ fɛ. Ala kiti-tɛgɛnɛnu natelennɛ tumɛ bɛɛ.

¹⁰ A fisa sɛnɛ-bɛrɛbɛrɛ ko. Hali li-kuran, a di wo ko.

¹¹ A ye hɛnkili dila, nde, ata wɔli-kɛlɛ ma. N bi a kan tola a gbɛ rɔ min kɛ, n bi barayi sɔrɔnna wo le tɔ.

¹² Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

¹³ N bi a lawulila a ma ka hakɛ minnu kɛ, wonu fanan masɛgi n na. Anu kana na nɔ-ko sɔrɔn n ma. Fɛɛ ti taran n na worɔ. N na si fɛrɛ hakɛ-kɛ-koe ma.

¹⁴ Alamɛ n miriyanu anubɛ nna kumɛnu ya i hɛnɛ. Nna kanannɛ anubɛ n kunkalɛ le ile Mari la.