Yaburi 149 - ALLALA KUMƐ

Tantoli-Bɛti

¹ Bɛɛ ni Mari tanto. Wo ni bɛti-kurɛ bɔ Mari ye. Ala lanaya-mɔgɛnu na ni dɛn ka a tanto.

² Wole Isirɛla mɔgɛnu ni sewa ka a tɛgɛ wo Dali-Mari ma. Wole Yerusalɛm kɛnu ni sewa wola san-kolo-mansayɛla ko la.

³ Ma ni ma dɔn a tɔgɛ tanto tinɛ. Ma ni wasanbɛ lamaga ka sɔrɔn kɛ-a-rɔ a matɔgɔ tinɛ.

⁴ Mari sewanɛ ala mɔgɛnu na. A ye mɔgɔ-famayiginɛnu gbiliyala nɔlɛ la.

⁵ A batolɛnu ni sewa ala gbiliyɛ wo la. Anu ni ki bɛtinu bɔla sewɛ la.

⁶ Anu ni Alla tanto anu kulu-mayɛlɛnɛ la. Faan-da-diyamɛnu ni taran anu bolo tɔ,

⁷ anu si sibolo-gbɛrɛnu tayili sara anu tɔrɔ tinɛ.

⁸ Anu ni yɔlɔkɛ kɛ anu yogenuna mansɛnu ma ka anuna kun-tiginu kiri nɛgɛ-yɔlɔkɛnu na.

⁹ Anu ni sibolenu tɔrɔ iko Alla ara a latɛgɛ nya min. Allata mɔgɛnuta nɔlɛ le kɛnu na. Bɛɛ ni Mari tanto.