Yaburi 142 - ALLALA KUMƐ

Dɛnbɛn-Ko-Madiyalɛ

¹ N bi Mari rakelela n dɛnbɛn-koe rɔ. N bi a madiyala alako a ni kinikini n ma.

² N bi nna yasere-masɛ bɛɛ kɛla a ye. N bi nta tɔrɔyɛ rakaranna a ye.

³ Tɔrɛ wa n tabɔ tumɛ min, ale Mari si a lɔn n si min ma. N yogenu bara gbɛrɛ ladu n gbere la.

⁴ N ba n yɛ lasɛgi tumɛ min, n ti n dɛnbɛna fenfen yen. N buri-kɛ-tina-wo-tina sa. Mɔgɔ-wo-mɔgɔla ko sa nna ko rɔ.

⁵ N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

⁶ I wɔlɔ matɔlɔ n di-kɛ-kan la n dɛnbɛn-koe rɔ bawo n yigi ara tɛgɛ gbodo! Fɔ i wa n natanka n yogenu ma bawo anu tagbɛlɛ n ko.

⁷ N kunka nna tɔrɔyɛ kɛ rɔ min bara ma mana la n ma. Ni i ya wo kɛ n ye, n si i matɔgɔ mɔgɛ bɛɛ yala ka a tɛgɛ ita nyimayɛla ko la.