Yaburi 139 - ALLALA KUMƐ

Allata Ko-Lɔn-Bɛrɛbɛrɛ-Wɛ Wara-Koe

¹ Mari, i wara n fɛsɛfɛsɛ, ado i ya n lɔn.

² N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

³ I ya n ta-gbere anubɛ n ki-tinɛ bɛɛ lɔn. I ya n kɛ-nya bɛɛ lɔn.

⁴ Mari, yanni kumɛ ni bɔ n da rɔ, i ya a lɔn n bi min fɔla.

⁵ N nafoonɛ i bolo kan tinɛ bɛɛ rɔ. N masansannɛ ye i sɛnbɛ la.

⁶ I ya n lɔn nya min, wo da-rakolo. N ti ke wo nya-yenna.

⁷ Nde si ke tala mintɔ, ile sa kan min? N si ke n burila tala mintɔ, i kolan ti n yen kan min?

⁸ N ba yɛlɛ san-kole ma, i ye nyɔ. Hali n bi kanbɛ le tɔ, i ye nyɔ.

⁹ Hali n ya n buri tala tele-bɔɛ, hali n tara n sigi tele-yigi pon,

¹⁰ n si i taran nyɔ alako i ni kilɛ yira n na ka to n dɛnbɛna.

¹¹ Hali n ya a fɔ pinpi ye ko a ni n dogon, hali n ya a fɔ tele ma ko a ni ma suyi la,

¹² kɔnɔ hali pinpi burunta bɛff, pinpi ma wo la ile yala. Wan-takanɛ le ile yala suyi rɔ iko tele. Pinpi anubɛ waan, dan-nafara wo dan-nafara sa wo la ile yala. Wo bɛɛ kelen!

¹³ Ile le ya n fɛrɛ kan tinɛ bɛɛ ladan. I ya n tugu n nyɔgɔn na n na burɔ.

¹⁴ N si baraka bira i ye ka a tɛgɛ n nadan-bole ma, ado n nadan-bole makawara. Ila ko-ladan-bole bɛɛ makawara. N ya wo lɔn n yisi bɛɛ la.

¹⁵ N kolenu yereyere tumɛ min, i ya a ma i fɛrɛma wonu natugun tinɛ n na burɔ. N bi koloyɛ kun na pinpi rɔ nyɔ, ile yili ye n ko nyɔ.

¹⁶ Yanni n ni bɔ gbɛ ma, i ya n yen. Yanni n ni bɔ fɔnyɔ la, i ya n siyi-dan sɛbɛ ita buku rɔ.

¹⁷ E, Alla, i miriya nya-yen-koe gbɛlɛ n bolo. I miriya siya duk!

¹⁸ Ni n si ke i miriya bɛɛ danna nun, a siya kɛnkɛn ko. N ba kinɔgɔ ka kunden, yaga, i ye n dafɛ.

¹⁹ E, Alla, alamɛ karagbɛlɛ bɛɛ fagara. Alamɛ karagbɛlɛnu ya n nafɛrɛnɛ to n dan na.

²⁰ Anu bi kuma-gbondanɛnu fɔla i ma. Anu bi kuma-yogomɛnu fɔla i tɔgɛ ma.

²¹ E, Mari, i gbo minnu ye, wonu gbo nde ye. Minnu murutiyanɛ i ma, wonu sɔgɔ labɔni de n na lass!

²² Anu ma di n ye hali doni bɛrɛni, ado wonu bi n yogoyɛ le la gbɛ!

²³ E, Alla, n miriya lakɔrɔsi ka n fɛsɛfɛsɛ. I ni n kɔntɛ lɔn a kila-bɛrɛbɛrɛ fɛ.

²⁴ N gbɛngbɛn, i ni a lɔn ni karagbɛlɛyɛ ye n tɔ. Kila-bɛrɛbɛrɛ yira n na min bi tala Arinyɛni tɔ!