Yaburi 127 - ALLALA KUMƐ

Allata Nyimayɛ Tantolɛ

¹ Ni Mari ma a kɔɛn don bɔn-sɔɛ rɔ nun, bon-sɔlɛnu bi tɔrɔ-fu le kɛla wo rɔ. Wo rɔ, ni Mari ma a kolonkɛ bɛn soe ma a latanka-koe la, so-kandannɛnu bi wɔli-fu le kɛla wo rɔ.

² Ka suri lawulila i buyila ko la, hali i ma i sa yona, wɔli-fu le wo la i beli-fanla ko la. Bawo Mari le si a diyana-mɔgɛnu-makoe nyinya, hali anu bi kinɔgɔ rɔ tumɛ min.

³ Mari le si dannu di mɔgɛnu ma, ado duwa-bɛrɛbɛrɛ le wonu na.

⁴ Mɔgɔ-fonike ye den-kei minnu sɔrɔnna, wonu si ma iko kalabɛn minnu bi kɛlɛ-dannu bolo la.

⁵ Ni mɔgɛ ya kalabɛn-siyaman sɔrɔn wo nya, a yoge ti a layarabi kiti tɛgɛ tinɛ. Mɔgɔ-sewanɛ le wo mɔgɛ la minta bɔrɛ lafanɛ kalabɛn la.