Yaburi 125 - ALLALA KUMƐ

Allala Mɔgɛnu Sigi-Koe Lafɛrɛ Rɔ

¹ Minnu yigi sanɛ Mari rɔ, wonu mani de iko Marita kɔnkɔ-sɛnimɛ Yerusalɛm. A ti yɛrɛyɛrɛn ka bɔ a gbɛ rɔ muk!

² Iko Yerusalɛm lafoonɛ kɔnkɛnu na nya min, Mari fanan si ala mɔgɛnu nafoo wo nya le ka a bi bi ma ha habadan!

³ Karagbɛlɛnu ti to mansayɛ la mɔgɔ-telennɛnuna nyamanɛ kun na tolon! Ni wo mara, tumado telenbagɛnu si na ko-yogomɛ do ma.

⁴ Mari, ko-nyimɛ kɛ ko-nyima-kɛlɛnu ye, minnu si ila kumɛ bira, kɔni.

⁵ Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.