Yaburi 122 - ALLALA KUMƐ

Yerusalɛm Soe Matɔgɔ-Koe

¹ Anu bara a fɔ n ye tumɛ min ko ma ni ta Mari Bato-Bɔn la, ma sewara ma nyɔgɔn fɛ,

² ado ma sɔnɛ Yerusalɛm tarɛ burɔ yan.

³ Yerusalɛm ara sɔ-kurɛ-kɛ tun. A sɔ-nya bɛɛ kin.

⁴ Isirɛla bɔnsɔn na-tinɛ le kɛ la ka baraka bira Mari ye iko komi, a ara tɔn di anu ma nya min nun.

⁵ Isirɛla mɔgɛnuna mansɛnuna kiti sa tinɛ le kɛ la, Mansa Dawuda kegeyɛ, kɔni.

⁶ Wo ni madiyali kɛ alako yisi-kimɛ ni don Yerusalɛm soe burɔ. A di minnu ye, alamɛ wonu mara-a-la.

⁷ Alamɛ yisi-kimɛ taranta Yerusalɛm tarɛ burɔ anubɛ mansɛla bolɔn mumɛ la.

⁸ Ka a tɛgɛ n na-kelen-nyɔgɛnu anubɛ n diyana-mɔgɛnuna ko ma, n ya a fɔ Yerusalɛm ma ko, “Alamɛ yisi-kimɛ taranta i rɔ!”

⁹ Ka a tɛgɛ mata Mari Allata bɔnla ko ma, n ya madiyali kɛ Yerusalɛmta yarɔma-ta-koe ma.