Yaburi 121 - ALLALA KUMƐ

Isirɛla Makandannɛta Kinɔgɔbɛlitaya-Koe

¹ N si n yɛ layɛlɛ kɔnkɛnu kuma kama? Nta dɛnbɛnɛ kɛ ye bɔla mintɔ?

² Mari min ya san-kole anubɛ dugu-kole dan, wo le ye ma dɛnbɛna.

³ A ti sɔn ma ni bui. Ma kandannɛ ti kinɔgɔ.

⁴ Isirɛla kumafunfannɛ ti yunkun defan mumɛ hali ka kinɔgɔ!

⁵ Mari si i makandan. A ye ma fɛ ka ma lakanan.

⁶ Tele-wuyan ti ma madumɛ tele rɔ. Karɛ fanan ti ma tɔrɔ suyi rɔ.

⁷ Mari si ma lakisi masibɛ bɛɛ ma. Ma lakanannɛ si to ma bolo tolon!

⁸ Ma tenbi ta-ni-sɛgi kɛla, Mari si ma lakanan burubukai!