Yaburi 120 - ALLALA KUMƐ

Wula-Yanna-Mɔgɛnuta Madiyalɛ Wara-Koe

¹ N bi nanparan rɔ tumɛ min, n ya Mari rakele n dɛnbɛn-koe la, ado a ya n denkun.

² Mari, n nakisi yanfantenu anubɛ foninya-fɔlɛnu masibɛ ma.

³ Foninyɛ namanɛ wole min nagankuri ma, Alla si nfen tɔrɔya sigi wole ma? A ye wole tɔrɔla kama?

⁴ A ye wo tɔrɔla kɛlɛ-dannu kalabɛn-lasulennɛ anubɛ ta-wɔlɔn le la!

⁵ Ka to wole fɛ, wo mani de iko mɔgɛ tenbi karagbɛlɛnu tɛma.

⁶ N bara mɛ mɔgɛ kɛnu tɛma yisi-kimɛ ma di minnu ye.

⁷ Yisi-kimɛ di nde ye kɔnɔ ni n ya yisi-kima-koe fɔ anu ye, anu denu si wo yɛlɛma n bolo kɛlɛ la.