Yaburi 114 - ALLALA KUMƐ

Iyipiti Bɔ-Koe Bɛti

¹ Isirɛla mɔgɛnu wuli bɔla Iyipiti, ado nyamani-gbɛrɛ wo bolokɛ ale Yakoba kegeyɛnu bolo,

² Yuda kebilɛnu mara Marita mɔgɔ-sɛnimɛnu na. Isirɛla mɔgɛnu mara ale Mari-halalɛ la.

³ Anu yen Kɔgɔ-Yi-Wulan bolo, yi wo ya a buri anu kɔrɔ. Yorodan bɛ sɛgira a kɔma.

⁴ Kɔnkɛnu ya gberenya bɔ iko baa-dan. Gburukulinu ya gberenya bɔ iko saga-dan.

⁵ Nfen ya a ma, ile Kɔgɔ-Yi-Wulan ya i buri? Nfenna ile Yorodan bɛ sɛgira i kɔma?

⁶ Nfen ya a to, wole kɔnkɛnu bi gberenya bɔla iko baa-dan? Nfenna wole gburukulinu bi gberenya bɔla iko saga-dan?

⁷ Ile dugi, i ni yɛrɛyɛrɛn Mari yarɔ, Yakobata Alla, kɔni.

⁸ Mari kɛ le ye farɛ yɛlɛmana yi-denkɛ la ka fara-gbaran yɛlɛma tenke la.