Yaburi 11 - ALLALA KUMƐ

Yigi-Sa-Koe Mari Kuma

¹ N bara n yigi bɛɛ sa Mari rɔ n kisi-koe la. Kun-takolonya-kumɛ le wo sufa la n ta-nyɔgɛnu bi a fɔla n ma min kɛ ko n ni n gban iko kona ka n buri tala kɔnkɛnu tɔ.

² A ko i ma a yen, karagbɛlɛnu sɔnɛ ninɛ la, anu bi kalabɛn rasaganna mɔgɔ-nyimɛnu bon-koe la.

³ A ko ni ko-wo-ko sa tala a kilɛ fɛ, kama, mɔgɔ-nyimɛnu si a ma kama worɔ? Kun-takolonya-kumɛ le wo bɛɛ la.

⁴ Mari ye mansayɛ la ata Bato-Bon-sɛnimɛ la. A kolan ye mɔgɛ bɛɛ la. Anu bi min bɛɛ kun na, a ya wo bɛɛ lɔn.

⁵ A ye mɔgɔ-nyimɛnu anubɛ karagbɛlɛnu fɛsɛfɛsɛla nya-kun-kelen. Wunduyogoyɛ di minnu ye, wonu fenfen ma di a ye.

⁶ Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

⁷ Mari telennɛ, ado kɛwɔli-nyimɛ di a ye. Minnu bi wonu mala, wonu si sigi Mari fɛ.