Sakaraya 5 - ALLALA KUMƐ

Ko-Rayirɛ Wɔrɔ Nyɔgɛ

Sɛbɛli-Kɛ-Gbolo-Mininɛ Yen-Koe

¹ N ya n yɛ lata tun. N ya gbolo-lamininɛ yen tenbila san ma.

² Melika wo ya n manyinika ko, “I ye nfen yenna?” N ko, “N ya gbolo-lamininɛ le yen tenbila san ma. Ala yanyɛ, nunkan-nya mogan. A kɔnɛ, nunkan-nya tan.”

³ Wo kɔma, a ya a fɔ n ye ko dankalɛ sɛbɛnɛ a rɔ min si bui nyamanɛ bɛɛ rɔ. Min sɛbɛnɛ a tɔnkɔn doi rɔ ko minnu si kankanyɛ kɛ, wo bɛɛ la si to nyamanɛ rɔ. Min sɛbɛnɛ a tɔnkɔn doi fanan tɔ ko min bɛɛsi ye foninyɛ fɔla gboroli-kɛ-tinɛ, wonu fanan na si to nyamanɛ rɔ dogbe!

⁴ Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe

Ko-Rayirɛ Wɔrɔnfila Nyɔgɛ

Digi Yen-Koe

⁵ Melika min bi ko-rayirɛ kɛ kɔrɛ yirala n na, wo bɔra gbɛ rɔ tun ka a fɔ n ye ko, “I yɛ lata fan do ma nala san ma.”

⁶ N ya a manyinika, n ko, “Nfen bi wo la?” A ya a fɔ n ye ko, “Digi le wo la min sɔnɛ wola nyamanɛ mumɛ hakɛla ko la.”

⁷ Dandakuyi le manɛ digi wo da-latogɔn la. N bi wo mafɛlan kun na, digi wo dɛ lakara. Yaga, musi le siginɛ digi wo burɔ.

⁸ Melika ya a fɔ n ye ko, “Wunduyogoyɛ tamasere le musi kɛ la.” Wo kɔma, a ya musi wo kunyɛ madigin digi wo burɔ a gbɛ rɔ ka a da latogon.

⁹ N ya n yɛ layɛlɛ san ma. N ya musu fila yen nala n magbenna. A bɛɛ kanban rafulennɛ ye a ma. Anu kanban wonu tagbɛlɛ iko singbentɛ. Wonu ya digi wo bi ka ta a la anu bolo san ma pon!

¹⁰ N ya ale melika manyinika, n ko, “Anu bi tala digi kɛ la mintɔ?”

¹¹ A ko, “Anu bi tala a la Babilɔn nyamanɛ rɔ, anu bi bɛsi-kɔ-tinɛ sɔla a ye kan min. Anu ba bɔn wo laban, anu si digi wo sigi a sigi-tinɛ rɔ nyɔ.”