Makawandili Kumɛnu 11 - ALLALA KUMƐ

Hɛnkilimɛla Ko-Ladan-Nya

¹ Yilayɛ kɛ ila wodi rɔ kɔgɔ-yi kɔma. Tɔ-a-la, i si ila wodi-tɔnɛ yen.

² I ni ila wodi lamara kan-tina-siyaman tɔ bawo i ma a lɔn kasarɛ ye bɔla kan bara la.

³ Kɔlɔma ye buila a yɛ min ma, a ye tola sani wo le kuma. Fɔ banda wa fin, bandɛ ni na to nala.

⁴ Ni sɛni-salɛ ya a makɔni ha fɔn-kunna-bɔɛ, a ti fen fui wo rɔ, ka, fen tɛgɛ.

⁵ Ni mɔgɛ si a lɔn dan ye mala mɔgɛ la nya min a na burɔ, mani mɔgɔ si ke a lɔnna Alla ye min kun na bawo Alla le ye fan bɛɛ ladanna.

⁶ Mɔgɛ ni to sugi fuila sɔgɔma ani wurɛ la bawo a ma a lɔn min bi fɛrɛnna, ka, ni min bi sabatila ka tenbi a nyɔgɔn na. Tumado anu dama si fɛrɛn ka sabati.

⁷ Banda-ka-dɛ mafɛlɛn di mɔgɛ bolo.

⁸ Fananta mɔgɛ ye a niyi la duninya kɛ rɔ, a ni to a nyɛrɛ ladiyala bawo a ye wati min nyɔgɔn bɔla pinpi rɔ lakira, wo siya yantɛ ko pirr! Wo bɛɛ ragbɛlɛ.

Fonikenu Makawandi-Koe

⁹ Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

¹⁰ I kana hɔn fenfen na ka i nyɛrɛ makinikini bawo i sa nala tola fonikeyɛ wo rɔ.