Saraka-Masɔlɛnuta Tɔnnu 1 - ALLALA KUMƐ

Saraka-Mintantɛnu

¹ Mari kuman-kan bɔra ata Fani-Bɔn la ka ata tɔnnu fɔ Nɛbi Musa ye.

² Nɛbi Musa ya Mari kuman-kan kɛ latenbi Isirɛla mɔgɛnu ma ko, “Min tenbi kolo-fen-sarakɛ dila Mari ma, a si wo bɔ ala sagɛnu tɔ. Ni wo ma, a si baa bɔ. Ni wo fanan ma, a si ninki bɔ. Ninki Saraka Bɔ-Nya

Ninki Saraka Bɔ-Nya

³ “Ni a ye ninki mala saraka-mintantɛ la Mari ye, fɔ ni a mara turɛ la fɛɛ sa min na. A si na wo kiri Marita Fani-Bɔn tenbi-bolɔn dafɛ, woletɔ Mari si sɔn sarakɛ wo la.

⁴ A wa a bole sa ninki kunyɛ kuma, a si a hakɛ yamatogon wo fɛ.

⁵ A si turɛ wo kan natɛgɛ. Saraka-masɔlɛ Aruna kebila-mɔgɛ donu si na turɛ wo yele la saraka-bɔ-tinɛ ka a lakɛ saraka-bɔ-tinɛ tɔnkɔn nanɛ ma.

⁶ Saraka-bɔlɛ wo nyɛrɛ tenbi ninki wo gbole bɔla ka a boso tumɛ min,

⁷ saraka-masɔlɛnu fanan bi tɛ ladɛnna.

^8-9 Saraka-bɔlɛ si a furuwɛ yɛlɛma ka anubɛ a nugi maku. A si a woro filɛ fanan maku. Anu si ninki-soge wonu bi ka a sa tɛ rɔ a kilɛ fɛ hali a kunyɛ anubɛ a kɛɛn. A si wo bɛɛsi mintan. Wo sumɛ si diya Mari ye. Sagɛ anubɛ Baa Saraka Bɔ-Nya

Sagɛ anubɛ Baa Saraka Bɔ-Nya

¹⁰ “Ni mɔgɛ ye sarakɛ bɔla ata saga-wɔrɛ rɔ, ni wo ma, ata baa wɔrɛ rɔ ka a ma saraka-mintantɛ la, fɔ a ni ma a keimɛ la fɛɛ sa min na.

¹¹ A si sarakɛ wo bi ka a kan natɛgɛ saraka-mintan-tinɛ bolo-maran wara la. Saraka-masɔlɛ si a yele bi ka a lakɛ saraka-mintan-tinɛ wo tɔnkɔn nanɛ ma.

^12-13 Saraka-bɔlɛ si a furuwɛ yɛlɛma ka anubɛ a nugi maku. A si a woro filɛ fanan maku. Anu si soge wonu bi ka anu sa tɛ rɔ a kilɛ fɛ hali a kunyɛ anubɛ a kɛɛn. Kona Si Bɔ Sarakɛ la Nya-Min

Kona Si Bɔ Sarakɛ la Nya-Min

¹⁴ “Ni mɔgɛ do ye nala koni-sarakɛ la Mari ye ka a ma saraka-mintantɛ la, wo tigi ni na purulan la, ni wo ma, kangbɔɛ la Mari ye. A si wo bi ka a don saraka-masɔlɛ bolo.

¹⁵ Saraka-masɔlɛ si kona wo bira ka a kan mɔrɔndɔ. A si a kunyɛ sa tɛ rɔ. A si a bɛrɛ bi ka a yele pusen saraka-mintan-tinɛ tɔnkɔn kelan ma.

¹⁶ A si a kɔnsɔn labɔ ka a lakɛ-a-rɔ ta-gbangban kuma saraka-bɔ tinɛ tele-bɔɛ wara la.

¹⁷ A si a bira a kanban ma ka kona wo buyi laka kɔnɔ a kana a kanban ka a ma. A si a bu-lakanɛ wo bi ka a sa ta-wɔlɔn rɔ. Wo si mintan gburr! Wo sumɛ si diya Mari ye.”