Keninteya-Siginu 3 - ALLALA KUMƐ

¹ Wo tumɛ n bara n sa, lun kelen, n diyana-mɔgɔ-sɔgɛ ya n bira. N ya n yɛ lakalan a ma wurr, kɔnɔ n ma a yen.

² N ya n yɛ lakalan a ma soe-tonke bɛɛ rɔ kɔnɔ n ma ke ale, n kɔntɔ-mɔgɛ wo yenna muk!

³ N ya so-makandannɛ taran ka a manyinika n diyana-mɔgɛla ko la.

⁴ N bi n bɔla wo dafɛ nya min, n bi ale, n diyana-mɔgɛ yenna. N ya a bira sigbi, alako a kana ta. N bara ta a la fɔɔ n nala konko la.

⁵ Wole n ta-nyɔgɔ Yerusalɛm musinu, wo ni wo gboro mina anubɛ woyan rɔ, ni wo si ma kɔndɔfili mala keninteyɛ rɔ.

Sigi Sawa Nyɔgɛ Sunkurɔnta sigi-sa-kumɛ

⁶ Yon bi nala ka bɔ wulɛ rɔ? Gbangban ye tugula a gbere la. Fen-suma-diyamɛ anubɛ isɛnti-su bɛɛ ye bɔla a ma yilanu si min mayira.

⁷ Silamɛni namatoe maka rɔ. A lafoonɛ Isirɛla kɛlɛ-dan mɔgɔ bi-wɔrɔ la. Wo dama kɛlɛ-kurugba.

⁸ Wonu dama kusan faanna kɛlɛ la. Kɛlɛ-kɛla-kɔrɛ le wo bɛɛ la. Wo bɛɛ rabɛnnɛ anuna faannu na anu bolo. Hali suyi le tɔ, anu tabɛnnɛ.

⁹ A ya ala mansaya-maka wo ladan Lɛbanan-kɔlɔma-nyimɛ le la.

¹⁰ Ala maka-kɔn wonu yamatogonnɛ wodi-gbɛ le la. Kurɛ min sanɛ maka wo kuma, wo sɔgɔnɛ sɛnɛ-yesekari le la. Yerusalɛm musinu ya yesekara-bilolamɛ anubɛ a wulenmɛ ladan ka a sa-fan yamatogon wo la maka wo rɔ.

¹¹ Wole Yerusalɛm sunkurɔnnu, wo na Mansa Silamɛni yen. A na le ya mansaya-fulɛ don a salɛ la. A ya mansaya-fulɛ kɛ di a ma ala kɔnyɔ-masɔ-ladiyɛla ko la, a nyagalen-tele rɔ, kɔni.