Isikiyɛli 15 - ALLALA KUMƐ

Yerusalɛm Sanka-Koe Nɔnbɛ Ma

¹ Mari ya a fɔ n ye tun ko,

² “Ile hadama-dan, mɔgɛ si nɔnbɛ anubɛ kɔlɔma sanka anu nyɔgɔn ma kama? Tɔnɔ-nyamintan bi nɔnbɛ la ka tenbi fira-kɔlɔma la?

³ Wo si ke nɔnbɔ-fɛrɛn lawɔlila min si ko-nyinya wo ma? Mɔgɛ si ke a gbangbanna dandan ma ka a ma fen-dun-fan la?

⁴ Ale ti ko-wo-ko nyinya mɔgɛ ma fɔ ka a ma ta-ladɛn-fan la. Ni tɛ sigira a kun da filɛ la, a tɛmɛ ma ni fulufulu, mɔgɛ si ke a kundi wo mala ko la, wa?

⁵ Yanni a ma ni fulufulu, a ti ko-nyinya, kumana sa a mafulufulunɛ ma.”

⁶ Ma Tigi Mari kan le kɛ la ko, “Iko mɔgɛ ye nɔnbɛ bila firɛ rɔ nya min ka a mintan, n bi Yerusalɛm kɛnu

⁷ tɔrɔla wo nya na le. Anu bara anu buri tɛ do kɔrɔ nun kɔnɔ tɛ kɛ, wo ye anu mintanna le. N ba anu tɔrɔ, wo ye a lɔnna wo le ma ko nde le Mari la.

⁸ Anu mara telenbɛlɛnu na n ye, woletɔ n si nyamanɛ wo ma nyamani-takolɔn la. Nde, wo Tigi Mari kan le kɛ la.”