Hoseya 3 - ALLALA KUMƐ

Koma Sɛgi-Koe Nɛbi Hoseya Ma

¹ Mari ya a fɔ nde, Nɛbi Hoseya ye ko, “Ta ila keninteyɛ yira ila musi la tun hali a keninɛ kemini-gbɛrɛkɛnu bolo. I ni a keni iko Isirɛla mɔgɛnu keninɛ nde bolo nya min hali anu bi tala bɛsɛnu kɔla dɛgɛ-lamondonɛnu tɔ.”

² Nba, nde, Nɛbi Hoseya ya wodi-gbɛ-gbu tan-ni-loli anubɛ fui-fan bɔrɔ fila bɔ Koma kunka-fanyɛ la ka ma tɛmɛ rabɛn tun.

³ N ya a fɔ nna musi wo ye ko, “Sigi, i ni n makɔni ha! I kana yɛlɛnyɛ kɛ de, ni wo ma, ka i nyɛrɛ bɔrɔbɔ kemini-wo-kemini ye. Nde bɛrɛn si i makɔni.”

⁴ Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

⁵ Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.