Ɛsira 2 - ALLALA KUMƐ

Mɔgɔ-Biranɛ Minnu Nara ka Bɔ Biralɛ Rɔ

¹ Kebi Mansa Nɛbukanasa tara mɔgɛ kɛnu na Babilɔn nyamanɛ rɔ, anu tora biralɛ le tɔ ha Mansa Sairasi ya anu hɔrɔya wati min. Anu mɔgɔ-siyaman nara to sɛgila wati wo le tɔ Yerusalɛm soe burɔ anubɛ Yuda nyamani-toe rɔ. Bɛɛ tara a halala-so rɔ.

² Minnu sɛgira, wonuna kun-tiginu tɔgɛ le kɛnu na, Sarababulu wo, Yɛsuwa wo, Nihɛmaya wo, Sɛraya wo, Riyɛlaya wo, Mɔdekɛyai wo, Belesan wo, Misipari wo, Begifeyai wo, Rihum wo, anubɛ Beyana. Kebilɛ minnu sɛgira ka bɔ biralɛ rɔ anubɛ min bɔra kebila kelen-kelan bɛɛ rɔ, wo yatɛ le kɛnu na tala.

³ Parɔsi kebilɛ minnu sɛgira, wonu yatɛ bɛnta mɔgɔ waga fila, mɔgɔ kɛmɛ kelen, mɔgɔ bi-wɔrɔnfila ani mɔgɔ fila (2,172) ma.

⁴ Sɛfataya kebilɛ minnu sɛgira, wonu yatɛ bɛnta mɔgɔ kɛmɛ sawa, mɔgɔ bi-wɔrɔnfila ani mɔgɔ fila (372) ma.

⁵ Ara kebilɛ minnu sɛgira, wonu yatɛ bɛnta mɔgɔ kɛmɛ wɔrɔnfila, mɔgɔ bi-wɔrɔnfila ani mɔgɔ loli (775) ma.

⁶ Pehati-Mohabu kebilɛ minnu sɛgira, wonu yatɛ bɛnta mɔgɔ waga fila, mɔgɔ kɛmɛ segin ani mɔgɔ tan-ni-fila (2,812) ma. Pehati-Mohabu wo bɔra Yɛsuwa anubɛ Yohabu kebilɛ la.

⁷ Ilam kebilɛ minnu sɛgira, wonu yatɛ bɛnta mɔgɔ waga kelen, mɔgɔ kɛmɛ fila, mɔgɔ bi-loli ani mɔgɔ nani (1,254) ma.

⁸ Satu kebilɛ minnu sɛgira, wonu yatɛ bɛnta mɔgɔ kɛmɛ kɔnɔntɔ, mɔgɔ bi-nani ani mɔgɔ loli (945) ma.

⁹ Sakeyayi kebilɛ minnu sɛgira, wonu yatɛ bɛnta mɔgɔ kɛmɛ wɔrɔnfila ani mɔgɔ bi-wɔrɔ (760) ma.

¹⁰ Bani kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-nani ani mɔgɔ fila (642) ma.

¹¹ Bibeyai kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ mogan-ni-sawa (623) ma.

¹² Asigadi kebilɛ minnu sɛgira, wonu yatɛ bɛnta mɔgɔ waga kelen, mɔgɔ kɛmɛ fila, ani mɔgɔ mogan-ni-fila (1,222) ma.

¹³ Adonaikam kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-wɔrɔ ani mɔgɔ wɔrɔ (666) ma.

¹⁴ Begifeyai kebilɛ minnu sɛgira, wonu yatɛ bɛnta mɔgɔ waga fila, ani mɔgɔ bi-loli ani mɔgɔ wɔrɔ (2,056) ma.

¹⁵ Eden kebilɛ minnu sɛgira, wonu yatɛ bɛnta mɔgɔ kɛmɛ nani, mɔgɔ bi-loli ani mɔgɔ nani (454) ma.

¹⁶ Etɛri min tɔgɛ fanan Hɛsakaya, wo kebilɛ minnu sɛgira, wonu yatɛ bɛnta mɔgɔ bi-kɔnɔntɔ ani mɔgɔ segin (98) ma.

¹⁷ Beseyai kebilɛ minnu sɛgira, wonu yatɛ bɛnta mɔgɔ kɛmɛ sawa ani mɔgɔ mogan-ni-sawa (323) ma.

¹⁸ Yɔra kebilɛ minnu sɛgira, wonu yatɛ bɛnta mɔgɔ kɛmɛ kelen ani mɔgɔ tan-ni-fila (112) ma.

¹⁹ Hasum kebilɛ minnu sɛgira, wonu yatɛ bɛnta mɔgɔ kɛmɛ fila, ani mɔgɔ mogan-ni-sawa (223) ma.

²⁰ Kebari kebilɛ minnu sɛgira, wonu yatɛ bɛnta mɔgɔ bi-kɔnɔntɔ ani mɔgɔ loli (95) ma.

²¹ Mɔgɛ min benbanu bara sigi soe kɛnu tɔ, wonu fanan sɛgira le. Mɔgɔ kɛmɛ ani mɔgɔ mogan-ni-sawa (123), wonu denu sɛgira anu benba soe Bɛtalehɛm burɔ.

²² Mɔgɔ bi-loli ani mɔgɔ wɔrɔ (56), wonu denu sɛgira anu benba soe Nɛtofa burɔ.

²³ Mɔgɔ kɛmɛ ani mɔgɔ mogan-ni-segin (128), wonu denu sɛgira anu benba soe Anatɔti burɔ.

²⁴ Mɔgɔ bi-nani ani mɔgɔ fila (42), wonu denu sɛgira anu benba soe Asamafɛti burɔ.

²⁵ Mɔgɔ kɛmɛ wɔrɔnfila, mɔgɔ bi-nani ani mɔgɔ sawa (743), wonu denu sɛgira anu benba soenu burɔ, Yirɔm soe anubɛ Kɛfira soe anubɛ Birɔti soe.

²⁶ Mɔgɔ kɛmɛ wɔrɔ ani mɔgɔ mogan-ni-kelen (621), wonu denu sɛgira anu benbanuna soenu burɔ, Rema soe anubɛ Kiba soe.

²⁷ Mɔgɔ kɛmɛ ani mɔgɔ mogan-ni-fila (122), wonu denu sɛgira anu benba soe Mikimasi burɔ.

²⁸ Mɔgɔ kɛmɛ fila ani mɔgɔ mogan-ni-sawa (223), wonu denu sɛgira anu benba soenu burɔ, Bɛtɛli soe anubɛ Eyai soe.

²⁹ Mɔgɔ bi-loli ani mɔgɔ fila (52), wonu denu sɛgira anu benba soe Nibɔ burɔ.

³⁰ Mɔgɔ kɛmɛ ani mɔgɔ bi-loli ani mɔgɔ wɔrɔ (156), wonu denu sɛgira anu benba soe Magibisa burɔ.

³¹ Mɔgɔ waga kelen, mɔgɔ kɛmɛ fila, mɔgɔ bi-loli ani mɔgɔ nani (1,254), wonu denu sɛgira anu benba soe Itam burɔ.

³² Mɔgɔ kɛmɛ sawa, mɔgɔ mogan (320), wonu denu sɛgira anu benba soe Harim burɔ.

³³ Mɔgɔ kɛmɛ wɔrɔnfila ani mɔgɔ mogan-ni-loli (725), wonu denu sɛgira anu benba soenu burɔ, Lodi soe anubɛ Hededi soe anubɛ Ono soe.

³⁴ Mɔgɔ kɛmɛ sawa ani mɔgɔ bi-nani ani mɔgɔ loli (345), wonu denu sɛgira anu benba soe Yɛrikɔ burɔ.

³⁵ Mɔgɔ waga sawa, mɔgɔ kɛmɛ wɔrɔ ani mɔgɔ bi-sawa (3,630), wonu denu sɛgira anu benba soe Sɛnaya burɔ.

³⁶ Saraka-masɔlɛnuta kebilɛ minnu nara ka bɔ biralɛ rɔ, wonu yatɛ le kɛ la tala. Saraka-Masɔla Yɛdaya min bɔra Yɛsuwa bɔnsɔn rɔ, wo kebilɛ minnu sɛgira, wonu yatɛ bɛnta mɔgɔ kɛmɛ kɔnɔntɔ, mɔgɔ bi-wɔrɔnfila ani mɔgɔ sawa (973) ma.

³⁷ Saraka-Masɔla Imɛri, wo kebilɛ minnu sɛgira, wonu yatɛ bɛnta mɔgɔ waga kelen, ani mɔgɔ bi-loli ani mɔgɔ fila (1,052) ma.

³⁸ Saraka-Masɔla Pasura, wo kebilɛ minnu sɛgira, wonu yatɛ bɛnta mɔgɔ waga kelen, mɔgɔ kɛmɛ fila, mɔgɔ bi-nani, ani mɔgɔ wɔrɔnfila (1,247) ma.

³⁹ Saraka-Masɔla Harim, wo kebilɛ minnu sɛgira, wonu yatɛ bɛnta mɔgɔ waga kelen ani mɔgɔ tan-ni-wɔrɔnfila (1,017) ma.

⁴⁰ Lifayi kebilɛ minnu sɛgira ka bɔ biralɛ rɔ, wonu de kɛnu na. Yɛsuwa anubɛ Kadamiyɛli minnu bɔra Lifayi bɔnsɔn-mɔgɛnu rɔ, wonu benba tɔgɛ le Hodafaya. Yɛsuwa anubɛ Kadamiyɛli wonu kebilɛ minnu sɛgira, wonu yatɛ bɛnta mɔgɔ bi-wɔrɔnfila ani mɔgɔ nani (74) ma.

⁴¹ Bato-Bɔn fɔli-kɛlɛ minnu sɛgira, wonu yatɛ bɛnta mɔgɔ kɛmɛ ani mɔgɔ mogan-ni-segin (128) ma. Anu benba tɔgɛ le Esafi.

⁴² Bato-Bon-makandannɛ minnu sɛgira, wonu yatɛ bɛnta mɔgɔ kɛmɛ, mɔgɔ bi-sawa ani mɔgɔ kɔnɔntɔ (139) ma. Bato-Bon-makandannɛ wonu benba tɔgɛ le kɛnu na, Salumu wo, Etɛri wo, Talamɔn wo, Akubu wo, Hatita wo, anubɛ Sobayi.

⁴³ Bato-Bonna-wɔli-kɛlɛ-kebilɛ minnu sɛgira, kebila-kunyɛ wonu tɔgɛ le kɛnu na, Saiha wo, Hasufa wo, Tabeyati wo,

⁴⁴ Kirɔsi wo, Sayaha wo, Pedɔn wo,

⁴⁵ Lɛbena wo, Hagaba wo, Akubu wo,

⁴⁶ Hegabu wo, Salamayi wo, Henan wo,

⁴⁷ Kedɛli wo, Kehari wo, Riyaya wo,

⁴⁸ Risen wo, Nɛkoda wo, Kasam wo,

⁴⁹ Ɔsa wo, Paseya wo, Bisayi wo,

⁵⁰ Asana wo, Mɛhunim wo, Nɛfusim wo,

⁵¹ Bakibuki wo, Hakufa wo, Harihuri wo,

⁵² Basiluti wo, Mɛhaida wo, Harasa wo,

⁵³ Barakɔsi wo, Sisara wo, Tema wo,

⁵⁴ Nɛsaya wo, anubɛ Hataifa.

⁵⁵ Mansa Silamɛnina wɔli-kɛlɛ kebilɛ minnu sɛgira, kebila-kunyɛ wonu tɔgɛ le kɛnu na, Soteyai wo, Hasafɛrɛti wo, Pɛruda wo,

⁵⁶ Yeyala wo, Darakɔn wo, Kedɛli wo,

⁵⁷ Sɛfataya wo, Hateli wo, Pokɛrɛti-Hasɛbeyem wo, anubɛ Emayi.

⁵⁸ Bato-Bonna-wɔli-kɛlɛnu kebilɛ anubɛ Silamɛnina wɔli-kɛlɛ kebilɛ minnu sɛgira, wonu yatɛ bɛnta mɔgɔ kɛmɛ sawa, mɔgɔ bi-kɔnɔntɔ, ani mɔgɔ fila (392) ma.

^59-60 Delaya kebilɛ wo, Tobaya kebilɛ wo, anubɛ Nɛkoda kebilɛ wo, minnu bɔra Tɛli-Mela soe wo, Tɛli-Harasa soe wo, Kɛrubu soe wo, Adan soe wo, anubɛ Imɛri soe Babilɔn nyamanɛ rɔ, wonu kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-loli, ani mɔgɔ fila (652) ma. Kebilɛ kɛnu denu bɔnsɔn bakuri ma lɔn ni Isirɛla mɔgɛ le anu na.

^61-62 Saraka-Masɔla Habaya wo, Saraka-Masɔla Hakɔsi wo, anubɛ Saraka-Masɔla Basilayi, anu kegeyɛnu bakuri sɛbɛnɛ kan min, anu ma ke wo yenna. (Basilayi kɛ wo ya musi do furu Basilayi kebilɛ rɔ. Musi wo benba bɔra Kaliyadi nyamanɛ rɔ. A ya ala musi wo kebila tɔgɛ bi ko Basilayi. Wo le tɔgɔma ye saraka-masɔya-kebilɛ kɛ la.) Anu ma anu bakuri lɔn min kɛ, anu ma sɔn mɔgɔ sawɛ kɛnu kegeyɛ ni saraka-masɔ-wɔlɛ kɛ.

⁶³ Yuda nyamani-kun-tigi ma sɔn anu ni saraka-masɔla-niyi dɔn. A ko anu ti ke a dɔnna fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. (Alla-sako-lɔn-fan wonu tɔgɛ Yurim anubɛ Tumin.)

⁶⁴ Mɔgɔ-biranɛ mumɛ min bɛɛsi sɛgira, wonu yatɛ bɛnta mɔgɔ waga bi-nani, mɔgɔ waga fila, mɔgɔ kɛmɛ sawa ani mɔgɔ bi-wɔrɔ (42,360) ma.

⁶⁵ Anuna wɔli-kɛla-keimɛ anubɛ a musumɛ minnu bilara anu fɛ, wonu yatɛ bɛnta mɔgɔ waga wɔrɔnfila, mɔgɔ kɛmɛ sawa, mɔgɔ bi-sawa ani mɔgɔ wɔrɔnfila (7,337) ma. Fɔli-kɛlɛ minnu bilara anu fɛ, wonu yatɛ bɛnta mɔgɔ kɛmɛ fila (200) ma, kei wo, musu wo.

⁶⁶ Anu tara soee minnu na anu bolo, wonu yatɛ bɛnta kɛmɛ wɔrɔnfila, bi-sawa ani wɔrɔ (736) ma. So-musi anubɛ sofɛli-keimɛ ya dan minnu sɔrɔn, minnu tara anu fɛ wo, wonu yatɛ bɛnta kɛmɛ fila, bi-nani ani loli (245) ma.

⁶⁷ Anu tara nyomɛ minnu na anu bolo, wonu yatɛ bɛnta kɛmɛ nani, bi-sawa ani loli (435) ma. Anu tara sofɛlɛ minnu na, wonu yatɛ bɛnta waga wɔrɔ, kɛmɛ wɔrɔnfila ani mogan (6,720) ma.

⁶⁸ Mɔgɔ-birani-kɔrɛ wonu kenɛ Yerusalɛm, Mari Bato-Bɔn sɔnɛ kan min nun, anu kebila-kunyɛ donu ya hɛniki-sarakɛ bɔ alako anu ni Bato-Bɔn sɔ-kurɛ-kɛ tun a sɔ-gba-kɔrɛ rɔ.

⁶⁹ Anu ya anu se koe kɛ wɔlɛ kɛla ko la. Anu ya sɛnɛ min bɔ wɔlɛ wola ko la, wola gbiliyɛ anubɛ fui-fan bɔrɔ wɔrɔnfilata gbiliyɛ rakɛn de! Anu ya wodi-gbɛ min bɔ, wola gbiliyɛ anubɛ fui-fan bɔrɔ bi-nanita gbiliyɛ rakɛn de! Anu ya duruku-ba kɛmɛ labɔ saraka-masɔlɛnuna ko la.

⁷⁰ Saraka-masɔlɛnu wo, Lifayinu wo, anubɛ a mɔgɛ toe donu sigira Yerusalɛm soe anubɛ ala foolɛ rɔ. A fɔli-kɛla wo, a Bato-Bon-kandanni wo, a Bato-Bonna-wɔlila wo, wonu sigira so-gbɛrɛkɛnu tɔ nyɔla foolɛ rɔ. Isirɛla mɔgɛ toenu sigira anu benba so-kɔrɛnu tɔ.