Bɔ-Koe-Iyipiti 26 - ALLALA KUMƐ

Marita Fani-Bɔn Ladan-Nya

Linɛn Kurɛ Wara-Koe

¹ Anu bi kura-hakikɛ min kelela linɛn, wo ni wo ma nta Fani-Bɔn la. Wo si kurɛ wo walan tan bi ka anu ma nta Fani-Bon-miran do la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

² Kurɛ wo bɛɛsi yanyɛ ni ma nunkan-nya mogan-ni-segin na. Anu kɔnɛ ni ma nunkan-nya nani-nani na. Kurɛ wonu kɔnɛ ra ni kɛnya, anu yanyɛ ra ni kɛnya.

³ Wo ni kura-walan lolɛ tugun anu nyɔgɔn na. Wo ni kura lolɛ doi fanan tugun anu nyɔgɔn na.

⁴ Kura-walan lolɛ minnu tugunnɛ anu nyɔgɔn na, wo ni kura-bilolamɛ bi ka a ma kurɛ wonu yili la ka anu tonte to. Kura lolɛ doi minnu fanan tugunnɛ anu nyɔgɔn na, wo ni wo fanan tonte ladan kura-bilolamɛ la ka ta wonu sɔla anu kun da filɛ la.

⁵ Kura lolɛ kɛ tonte si ma bi-loli la. Lolɛ doi fanan si ma tonto bi-loli la. Tonte wonu ni bɛn anu nyɔgɔn ma gbetu!

⁶ Wo ni sɛnɛ-lundan bi-loli ladan ka kurɛ wonu tugun anu nyɔgɔn na lundan wonu na. A si ma fani kelen na worɔ min si nta bɔn yamatogon. Kasa-Kurɛ Wara-Koe

Kasa-Kurɛ Wara-Koe

⁷ “Wo ni baa-siyi ma kasa-kurɛ la ka wo ma nta Fani-Bɔn tuwa-miran do la. Wo si wo ma kura-walan tan-ni-kelen na.

⁸ Kura-walan tan-ni-kelan wonu ta ni kɛnya. Anu yanyɛ ni ma nunkan-nya bi-sawa la, anu kɔnɛ ni ma nunkan-nya nani na.

⁹ Wo ni kura-walan loli tugun anu nyɔgɔn na ka kura-walan wɔrɛ doi fanan tugun anu nyɔgɔn na. Wo ni kurɛ wo walan wɔrɔ nyɔgɛ dɛ sa a rɔ bɔn wo yarɔ kilɛ la.

¹⁰ Kura-walan lolɛ minnu tugunnɛ anu nyɔgɔn na, wo ni wonu tonto bi-loli ladan anu tɔnkɔn kelen tɔ. Wo si kura-walan wɔrɛ doi fanan ma wo nya.

¹¹ Wo ni sila-lundan bi-loli ladan ka anu bila anu tonte wonu tɔ alako a si ma kasa-kura-biribara kelen na nya min.

¹² Ale kasa-kurɛ wo kolo linɛn-kurɛ ko min kɛ, a yanyara linɛn-kurɛ ko kura-walan talɛ nya kelen. Wo si dun Fani-Bɔn kan kɔma.

¹³ Kasa-kurɛ wo ni yanya ka tenbi linɛn-kurɛ wo la nunkan-nya kelen a tɔnkɔn filɛ bɛɛ rɔ fanan. Saga-Yigi-Gbole anubɛ Gbolo-Koloni-Hakikɛ Wara-Koe

Saga-Yigi-Gbole anubɛ Gbolo-Koloni-Hakikɛ Wara-Koe

¹⁴ “Wo ni saga-yigi gbolo-koloni-wulan donu bi ka nta Fani-Bɔn yamatogon wo la. Wo ni gbolo-koloni-hakikɛ donu ma a tuwa-fan la fanan ka saga-yigi gbolo-koloni-wulan wo yamatogon wo la nta bɔn kuma. Fɛrannu Wara-Koe

Fɛrannu Wara-Koe

¹⁵ “Wo si akasiya kɔlɔmanu nadan fɛrannu na Marita bon-gbungbɔnla ko la.

¹⁶ Fɛran wonuna yanyɛ ni ma nunkan-nya tan na. Anu kɔnɛ ni ma nunkan-nya kelen ani a tala.

^17-21 Wo ni fɛrɛn mogan to bolo-nyimɛ rɔ ka fɛrɛn mogan to bolo-maran rɔ. Wo ni wodi-gbɛ bi-nani sa fɛrɛn mogan wonu kɔrɔ bolo-nyimɛ wara la ka wodi-gbɛ bi-nani sa fɛrɛn mogan kɔrɔ bolo-maran wara la fanan. Fɛrɛn kelen-kelen bɛɛ si sɔ wodi-gbɛ fila-fila kuma. Wodi-gbɛ wonu si ma wonu kiannu na. Wo ni fɛran wonu natugun tinɛ ladan anu si sɔ wodi-gbɛ wonu kuma kan min. Wo ni Fani-Bɔn fɛran bɛɛ rabɛn wo nya.

²² Wo ni fɛrɛn wɔrɔ sɔ Fani-Bɔn wo lu-kɔndɛ tele-yigi wara la

²³ ka fila sɔ a tonko filɛ rɔ nyɔ.

²⁴ Fɛrɛn filɛ min bi a tonke rɔ, wo ni wonu sa anu nyɔgɔn tɔ ka anu sɔ a tonke rɔ. Wo ni wonu tugun anu nyɔgɔn na ka a bi a kɔrɔ ha a kuma.

²⁵ Fɛran minnu bi tele-yigi waralɛ rɔ, wo bɛɛ lakofunɛ fɛrɛn segin. Wo ni wonu sɔ wodi-gbɛ tan-ni-wɔrɔ kuma. Wonu si ma anu kian la. Fɛrɛn kelen-kelan wo bɛɛ si sɔ wodi-gbɛ fila-fila kuma.

^26-29 “Wo ni sɛnɛ bolo-kalama-dɛɛn donu sɔ fɛran wonu ma bolo-maran wara la ka anu woe telen anu nyɔgɔn na min si ma kɔlɔma-yannu don tinɛ la. Wo si a ma bolo-nyimɛ anubɛ tele-yigi wara la bɔn kɔma kilɛ la wo nya na le fanan. Wo ni sɛnɛ sa fɛran wo bɛɛ ma ka akasiya kɔlɔma yan tan-ni-loli ladan alako nta Fani-Bɔn fɛrannu ta si kiri nya min sɔdɔ, ka sɛnɛ sa wonu ma. Wo si kɔlɔma lolɛ kɛnu nadon bolo-kalama-dɛɛn kɛnu tɔ bolo-maran wara la ka kɔlɔma yan lolɛ doi ladon bolo-kalama-dɛɛn doinu tɔ bolo-nyimɛ wara la wo nya le. Wo ni a toe kɔlɔma lolɛ ladon bolo-kalama-dɛɛn wonu tɔ a kɔma kilɛ la tele-yigi wara la. Wo ye kɔlɔma-yan minnu nadanna a tɔnkɔn doi rɔ bolo-maran wara la, a loli nyɔgɛ wo ni bɔ fɛrannu tɛma a dan doi ma ha ka ke a dan doi ma. Wo ni a ma bolo-nyimɛ anubɛ a tele-yigi wara la wo nya na le fanan.

³⁰ Anu ni nta Fani-Bɔn sɔ iko n bara a ladan-bole yira ile Musa la nya min kɔnkɛ kɛ kuma. Yorolan Wara-Koe

Yorolan Wara-Koe

³¹ “Anu bi kura-hakikɛ min kelela linɛn, wo ni wo ma yorolan la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

³² Wo ni akasiya kɔlɔma nani bi ka anu ma yorolan-dun-kɔn la. Wo ni sɛnɛ sa wonu ma ka wonu sɔ wodi-gbɛ nani kuma. Wo ni sɛnɛ-lundannu nadan alako yorolan wo si kiri wonu na nya min kɔlɔma wonu ma.

³³ Wo ni yorolan dun sɛnɛ-lundan wonu na kɔlɔma nanɛ wonu na ka tɔn-kenkirɛ latenbi yorolan wo kɔma kilɛ la. Yorolan wo si ma dan la Kan-Tina-Sɛnimɛ anubɛ Sɛnima-Sɛnima-Tinɛ tɛma.

³⁴ Wo ni tɔn-kenkirɛ wo da latogon Sɛnima-Sɛnima-Tinɛ rɔ.

³⁵ Wo ni tebulu sigi Kan-Tina-Sɛnimɛ rɔ bolo-nyimɛ wara la ka lɛnpu sigi tebulu ya-telen ma Kan-Tina-Sɛnimɛ bolo-maran wara la. Don-Da-Kurɛ Wara-Koe

Don-Da-Kurɛ Wara-Koe

³⁶ “Anu bi kura-hakikɛ min kelela linɛn, wo ni wo ma bɔn don-da-kurɛ la. Mɔgɛ minnu kusan, wonu ni mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

³⁷ Wo ni akasiya kɔlɔma loli ladan ka sɛnɛ sa wonu ma. Wo ni silɛɛ lalee ka kɔlɔma wonu sɔ wonu kuma. Wo ni sɛnɛ-lundannu nadan minnu si ma bɔn wo don-da-kurɛ wo dun fan la kɔlɔma wonu na.”