Emɔsi 1 - ALLALA KUMƐ

¹ Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

² Nɛbi Emɔsi ko, “Mari ye seren-serenna Yerusalɛm kɔnkɔ-layan-bɛ kuma iko yara-kɔnkɔtoe. A kuman-kan manɛ Yerusalɛm kuma iko san-gbalamɛ. A kuman-kan si a ma, anuna saga-de-nyini-tinɛnu ni gbala wau!” Siriyanu

Allata Kiti-Koe Sibolo-Gbɛrɛnu Kuma Isirɛla Nyamanɛla Foolɛ Rɔ

Siriyanu

³ Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

⁴ Mari ko Mansa Hɛsiyɛli ya bon-hakikɛ min sɔ, a ye nala tɛ layigila a kuma ka a mintan gburr! Hali ala den Mansa Hedadi ya kata min sɔ, tɛ si wo dama mintan.

⁵ A ko a si Damasika tara-dɛ keri. A ko a ye nala mɔgɛ wonu gbenna minnu bi Efɛn lɛɛ rɔ anubɛ wola kun-tigi min bi Bɛti-Idɛn soe kun na. Mɔgɛ donu si na bui Siriyanu ma ka ta anu na Kira nyamanɛ rɔ.” Filisitinu

Filisitinu

⁶ “Mari ko wole Kesa kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma min kɛ, woletɔ Mari ko

⁷ a si tɛ layigi Kesa soe kuma ka anubɛ a tarɛ fanan mintan.

⁸ A ko a si Filisitinu anubɛ anuna kun-tiginu halaki anuna so-karantannu tɔ, Asadadi anubɛ Asikalɔn, kɔni. A ko a si Ɛkirɔn-soe-mɔgɛnu tɔrɔ ka Filisitinu nato dogbe!” Taya Kɛnu

Taya Kɛnu

⁹ “Mari ko wole Taya kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma. Wo ya lanyiri min kiri wo nyɔgɔn tɛma, wole ma wo kan wo latɔnbagaya.

¹⁰ Mari ko a si tɛ layigi Taya soe kuma ka anubɛ a tarɛ fanan mintan.” Idɔm Mɔgɛnu

Idɔm Mɔgɛnu

¹¹ “Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

¹² Mari ko a si tɛ layigi Timan soe kuma ka Bɔsira soe anubɛ a tarɛ mintan wo warɛ nyɔ.” Amon Mɔgɛnu

Amon Mɔgɛnu

¹³ “Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

¹⁴ Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

¹⁵ Wola mansɛ anubɛ ata mɔgɔ-banu si anu buri ka ta anu niyi latanka tinɛ.”