1 Ko-Kɔrɔta-Karan 7 - ALLALA KUMƐ

Isakari Sɔrɛnu Bara-Koe

¹ Yakobala den Isakari ya den-kei mɔgɔ nani sɔrɔn, Tola wo, Puwa wo, Yasubu wo, anubɛ Simirɔn.

² Isakarila den Tola ya den-kei mɔgɔ wɔrɔ sɔrɔn, Yusayi wo, Rɛfaya wo, Yɛreyɛli wo, Yameyai wo, Yibisam wo, anubɛ Sɛmuwɛli. Mɔgɔ wɔrɛ kɛnu mara kebila-kunyɛnu na anu fa Tolata kebilɛ rɔ. Anu dama mara kɛlɛ-kurugba-nyananu na. Mansa Dawudata wati rɔ, a kegeyɛ yatɛ bɛnta mɔgɔ waga mogan-ni-fila, mɔgɔ kɛmɛ wɔrɔ (22,600) ma.

³ Tolala den Yusayi ya den-kei kelen sɔrɔn min tɔgɛ Isirahaya. Isirahaya wo ya den-kei mɔgɔ nani sɔrɔn, Maikali wo, Hɔbadaya wo, Yowɛli wo, anubɛ Isisiya. Kɛnu dama mara kebila kunyɛnu na.

⁴ Ale Isirahayala den mɔgɔ nanɛ wonu ya musu-siyaman furu ka den-siyaman sɔrɔn. Wati siyaman tenbinɛ, kɛlɛ-dan minnu bɔra mɔgɔ kolo-dande kɛnu tɔ, wo le bɛnta mɔgɔ waga bi-sawa ani mɔgɔ waga wɔrɔ (36,000) ma.

⁵ Kei min bɛɛ si ke tala kɛlɛ rɔ ka bɔ Isakari kebilɛ rɔ, wonu yatɛ bɛnta mɔgɔ waga bi-segin anubɛ mɔgɔ waga wɔrɔnfila (87,000) ma.

Bɛnyamɛ Sɔrɛnu Bara-Koe

⁶ Yakobala den Bɛnyamɛ ya den-kei mɔgɔ sawa sɔrɔn, Bela wo, Bika wo, anubɛ Yɛdiyɛyɛli.

⁷ Bɛnyamɛla den Bela ya den-kei mɔgɔ loli sɔrɔn, Ɛsibɔn wo, Yusayi wo, Yusiyɛli wo, Yɛrɛmoti wo, anubɛ Arayi. Mɔgɔ lolɛ kɛnu mara kebila-kunyɛnu anubɛ kɛlɛ-kurugba-nyananu na. Wati-siyaman tenbinɛ, kɛlɛ-dan minnu yirika bɔra mɔgɔ kolo-dande kɛnu tɔ, wo le yirika bɛnta mɔgɔ waga mogan-ni-fila, mɔgɔ bi-sawa ani mɔgɔ nani (22,034) ma.

⁸ Bɛnyamɛla den Bika ya den-kei mɔgɔ kɔnɔntɔ sɔrɔn, Sɛmira wo, Yowasi wo, Ɛliyesa wo, Ɛleyowenayi wo, Hɔmɔri wo, Yɛrɛmoti wo, Abaya wo, Anatɔti wo, anubɛ Alɛmɛti.

⁹ Kei min bɛɛ si ke tala kɛlɛ rɔ, wonu yatɛ bɛnta mɔgɔ waga mogan anubɛ mɔgɔ kɛmɛ fila (20,200) ma.

¹⁰ Bɛnyamɛla den Yɛdiyɛyɛli ya den-kei kelen sɔrɔn min tɔgɛ Bilihan. Bilihan wo ya den-kei mɔgɔ wɔrɔnfila sɔrɔn, Yewusi wo, Bɛnyamɛ wo, Ehudi wo, Kɛnayana wo, Sitan wo, Tasisi wo, anubɛ Ahiseha.

¹¹ Mɔgɔ wɔrɔnfilɛ kɛnu mara kebila-kunyɛnu anubɛ kɛlɛ-kurugba-nyananu na. Kei min bɛɛsi si ke tala kɛlɛ rɔ, wonu yatɛ bɛnta mɔgɔ waga tan-ni-wɔrɔnfila anubɛ mɔgɔ kɛmɛ fila (17,200) ma.

¹² Supim anubɛ Hupim fa tɔgɛ le Iri ka bɔ Bɛnyamɛ bɔnsɔn rɔ. Ahɛri ya den-kei kelen sɔrɔn min tɔgɛ Husim ka bɔ Bɛnyamɛ bɔnsɔn rɔ.

Nafatali Sɔrɛnu Bara-Koe

¹³ Nafatali ya den-kei mɔgɔ nani sɔrɔn, Yasiyɛli wo, Kuni wo, Yesa wo, anubɛ Salumu. Anu mama le Yakobala solo-dununɛ Biliha la.

Manasa Sɔrɛnu Bara-Koe

¹⁴ Manasa fɛ-sigi-musi min bɔra Aram nyamanɛ rɔ, wo ya den-kei mɔgɔ fila sɔrɔn a ye, Asirɛli anubɛ Makiri. Makiri ya Kaliyadi sɔrɔn.

¹⁵ Makiri wo ya musi-nyini-kɛ Hupim anubɛ Supim ye. Makiri wo tirisan-musi le Meyaka la. Makiri kɛ kegeya-mɔgɛ do ye nyɔ, wo tɔgɛ le Silafihadi. Silafihadi wo ma den-kei fenfen sɔrɔn fɔ dunmusi mɔgɔ loli.

¹⁶ Makirila musi Meyaka ya den-kei mɔgɔ fila sɔrɔn a ye, Pirɛsa anubɛ Sirɛsa. Pirɛsa wo ya den-kei mɔgɔ fila sɔrɔn, Ulam anubɛ Rekɛm.

¹⁷ Ulam wola dan tɔgɛ le Bidan. Min bɛɛ madannɛ kɛ la, Makirila den Kaliyadi sɔrɛ le wonu na, Manasa kebila-mɔgɛnu, kɔni.

¹⁸ Kaliyadi tirisan-musi Hamolɛkɛti ya den-kei mɔgɔ sawa sɔrɔn, Isɔdi wo, Abiyɛsa wo, anubɛ Mala.

¹⁹ Kaliyadila den Sɛmida ya den-kei mɔgɔ nani sɔrɔn, Ahaiyan wo, Sɛkɛm wo, Lekihai wo, anubɛ Anayam.

Ifɛrɛm Sɔrɛnu Bara-Koe

²⁰ Ifɛrɛm sɔrɛ le kɛnu na. Ifɛrɛm ya Sutɛla sɔrɔn. Sutɛla ya Bɛrɛdi sɔrɔn. Bɛrɛdi ya Tahati sɔrɔn. Tahati ya Ɛlada sɔrɔn. Ɛlada ya Tahati sɔrɔn.

²¹ Tahati ya Sebadi sɔrɔn. Sebadi ya Sutɛla sɔrɔn. Ifɛrɛmla den-kei Sutɛla bɔnɛ a la, ale Ifɛrɛm ya den-kei mɔgɔ fila sɔrɔn tun, Ɛsɛri anubɛ Ɛlada. Kɔnɔ wo tumɛ Ɛsɛri anubɛ Ɛlada ara ta Kati kɛnuna kolo-fen kankan tinɛ, anu fagara nyɔ rɔ.

²² Anu fa Ifɛrɛm mɛra anu dila tele-siyaman kɔrɔ. Ale kɛmɔgɛ wo na-kelen-nyɔgɛnu nara saya-kɔndɔli-kɛ-tinɛ.

²³ Wo kɔma, ale Ifɛrɛm ya ala musi latenbi a kɔma tun. Wo ya buyi bi ka den-kei sɔrɔn. Anu ya wo tɔgɔ sa Bɛriya bawo tɔrɔyɛ ara na anu kebilɛ kuma nun.

²⁴ Ifɛrɛm wo ya dunmusi sɔrɔn min tɔgɛ Sira. Bɛti-Hɔrɔn min bi kɔnkɛ kuma wo, Bɛti-Hɔrɔn min bi kɔnkɛ kɔrɔ wo, anubɛ Yusɛn-Sira, ale Sira wo le ya so sawɛ wonu datɛgɛ.

²⁵ Ifɛrɛm wo ya den-kei do sɔrɔn min tɔgɛ Rifa. Rifa ya Risɛfi sɔrɔn. Risɛfi ya Tila sɔrɔn. Tila ya Tahan sɔrɔn.

²⁶ Tahan ya Leyadan sɔrɔn. Leyadan ya Amihudi sɔrɔn. Amihudi ya Ilasama sɔrɔn.

²⁷ Ilasama ya Nun sɔrɔn. Nun ya Yasowa sɔrɔn.

²⁸ Ifɛrɛm mɔgɛnu ya anuta dugi min sɔrɔn, Bɛtɛli soe ye wo le tɔ anubɛ so-mɛsɛ minnu bi wola foolɛ rɔ. Anuta dugi wo le tara tele-bɔɛ wara la fɔɔ Neyaran soe dafɛ. Anuna dugi wo le yigira tun tele-yigi wara la fɔɔ Kisari soe anubɛ so-mɛsɛ minnu bi wola foolɛ rɔ. Sɛkɛm soe anubɛ Ayaya soe anubɛ so-mɛsɛ minnu bi wonuna foolɛnu tɔ, wonu bi anuna dugi wo le tɔ.

²⁹ Soe minnu mara Manasa bɔnsɔn halalɛ la, wonu tɔgɛ le kɛnu na, Bɛti-San wo, Teyanaka wo, Magidɔ wo, Dɔɔ wo, anubɛ so-mɛsɛ minnu bi wonuna foolɛnu tɔ. Soe minnu mara Yakobala den Yusufu bɔnsɔntɛ la, wo le wonu na.

Asɛra Sɔrɛnu Bara-Koe

³⁰ Yakobala den Asɛra ya den-kei mɔgɔ nani sɔrɔn, Emina wo, Esuwa wo, Esuwai wo, anubɛ Bɛriya. Dunmusi kelen bi ale Asɛra bolo fanan. Wo tɔgɛ le Sera.

³¹ Asɛrala den Bɛriya ya den-kei mɔgɔ fila sɔrɔn, Hibera anubɛ Makiyɛli. Makiyɛli kɛ le ya Birisefiti soe datɛgɛ.

³² Bɛriyala den-kei Hibera ya den-kei mɔgɔ sawa sɔrɔn, Yafalɛti wo, Somari wo, anubɛ Hotam. Dunmusi kelen bi ale Hibera bolo fanan. Wo tɔgɛ le Suha.

³³ Hiberala den Yafalɛti ya den-kei mɔgɔ sawa sɔrɔn fanan, Pesaki wo, Bimihali wo, anubɛ Asifati.

³⁴ Hiberala den Somari wo ya den-kei mɔgɔ nani sɔrɔn, Ehi wo, Roga wo, Yɛhuba wo, anubɛ Aram.

³⁵ Hiberala den Hotam (Hilɛm) wo ya den-kei mɔgɔ nani sɔrɔn, Sofa wo, Emina wo, Silɛsi wo, anubɛ Emali.

³⁶ Hotamna den Sofa ya den-kei mɔgɔ tan-ni-kelen sɔrɔn, Suwa wo, Hanɛfɛri wo, Suwali wo, Birai wo, Emira wo,

³⁷ Bisa wo, Hodi wo, Sama wo, Silisa wo, Itiran wo, anubɛ Bira.

³⁸ Asɛra kegeya-mɔgɛ do ye nyɔ min tɔgɛ Yɛta, wo ya den-kei mɔgɔ sawa sɔrɔn, Yɛfunɛ wo, Pesipa wo, anubɛ Ara.

³⁹ Asɛra kegeya-mɔgɛ do ye nyɔ min tɔgɛ Yula, wo ya den-kei mɔgɔ sawa sɔrɔn, Ara wo, Haniyɛli wo, anubɛ Risiya.

⁴⁰ Min bɛɛsi madannɛ kɛ la, Asɛra sɔrɛ le wonu na. Anu dama mara kebila-kunyɛnu anubɛ kɛlɛ-kurugba-nyananu na. Wati-siyaman-tenbinɛ, kɛlɛ-dan minnu bɔra mɔgɛ kɛnu tɔ, wo le yirika bɛnta mɔgɔ waga mogan-ni-wɔrɔ (26,000) ma.