1 Ko-Kɔrɔta-Karan 6 - ALLALA KUMƐ

Saraka-Masɔla-Kun-Tigi-Wɛnuta Kebila-Kunyɛnu Bara-Koe

¹ Yakobala den Lifayi ya den-kei mɔgɔ sawa sɔrɔn, Kɛrisɔn wo, Kohati wo, anubɛ Mɛrari.

² Lifayi wola den Kohati ya den-kei mɔgɔ nani sɔrɔn, Amiram wo, Isihari wo, Hiburɔn wo, anubɛ Yusiyɛli.

³ Kohatila den Amiram ya den-kei mɔgɔ fila, dunmusi mɔgɔ kelen sɔrɔn, Aruna wo, Musa wo, anubɛ Miriyam. Amiramla den Aruna ya den-kei mɔgɔ nani sɔrɔn, Nedabu wo, Abaihu wo, Ɛliyasa wo, anubɛ Itamarayi.

⁴ Arunala den Ɛliyasa sɔrɛnu denu bi kɛnu na. Ɛliyasa ya Finihasi sɔrɔn. Finihasi ya Abisuwa sɔrɔn.

⁵ Abisuwa ya Buki sɔrɔn. Buki ya Yusayi sɔrɔn.

⁶ Yusayi ya Sɛrahaya sɔrɔn. Sɛrahaya ya Mɛrayoti sɔrɔn.

⁷ Mɛrayoti ya Amaraya sɔrɔn. Amaraya ya Ahituba sɔrɔn.

⁸ Ahituba ya Sedoki sɔrɔn. Sedoki ya Ahimahasi sɔrɔn.

⁹ Ahimahasi ya Asaraya sɔrɔn. Asaraya ya Yohenan sɔrɔn.

¹⁰ Yohenan ya Asaraya sɔrɔn min ya saraka-masɔ-wɔlɛ kɛ Mansa Silamɛnita Bato-Bon-sɔnɛ la.

¹¹ Asaraya kɛ ya Amaraya sɔrɔn. Amaraya ya Ahituba sɔrɔn.

¹² Ahituba ya Sedoki sɔrɔn. Sedoki ya Salumu sɔrɔn.

¹³ Salumu ya Helikaya sɔrɔn. Helikaya ya Asaraya sɔrɔn.

¹⁴ Asaraya ya Sɛraya sɔrɔn. Sɛraya ya Yɛhosadaki sɔrɔn.

¹⁵ Mari ya a ma, kɛlɛ tara Yuda nyamanita-mɔgɛnu anubɛ Yerusalɛm so-burɔ-mɔgɛnu na. Wo wati le tɔ, Babilɔn Mansa Nɛbukanasa ya Saraka-Masɔla Yɛhosadaki kɛ fanan bira ka ta a la Babilɔn nyamanɛ rɔ pon!

Lifayi Kebila-Kunya-Toenu Bara-Koe

¹⁶ Yakobala den Lifayi ya den-kei mɔgɔ sawa sɔrɔn, Kɛrisɔn wo, Kohati wo, anubɛ Mɛrari.

¹⁷ Wonu fanan ya den-keinu sɔrɔn. Kɛrisɔn ya Libini anubɛ Simayi sɔrɔn.

¹⁸ Lifayila den Kohati ya den-kei mɔgɔ nani sɔrɔn, Amiram wo, Isihari wo, Hiburɔn wo, anubɛ Yusiyɛli.

¹⁹ Lifayila den Mɛrari ya den-kei mɔgɔ fila sɔrɔn, Mahali anubɛ Muhusi.

²⁰ Kɛrisɔn sɔrɛnu denu bi kɛnu na. Lifayila den Kɛrisɔn ya Libini sɔrɔn. Libini ya Yehati sɔrɔn. Yehati ya Sima sɔrɔn.

²¹ Sima ya Yowa sɔrɔn. Yowa ya Ido sɔrɔn. Ido ya Seraha sɔrɔn. Seraha ya Yihatarayi sɔrɔn.

²² Lifayila den Kohati sɔrɛnu denu bi kɛnu na. Kohati ya Aminadabu sɔrɔn min tɔgɛ fanan Isihari. Aminadabu ya Kora sɔrɔn. Kora ya Asiri sɔrɔn.

²³ Asiri ya Ɛlakena sɔrɔn. Ɛlakena ya Ibayasafi sɔrɔn. Ibayasafi ya Asiri sɔrɔn.

²⁴ Asiri ya Tahati sɔrɔn. Tahati ya Yuriyɛli sɔrɔn. Yuriyɛli ya Yusaya sɔrɔn. Yusaya ya Sala sɔrɔn.

²⁵ Ɛlakena ya den-kei mɔgɔ fila sɔrɔn, Amasayi anubɛ Ahimoti.

²⁶ Ahimoti sɔrɛnu denu bi kɛnu na. Ahimotila den Ɛlakena ya Sofayi sɔrɔn. Sofayi ya Nehati sɔrɔn.

²⁷ Nehati ya Ɛliyabu sɔrɔn. Ɛliyabu ya Yɛroham sɔrɔn. Yɛroham ya Ɛlakena sɔrɔn. Ɛlakena ya Samuwɛli sɔrɔn.

²⁸ Samuwɛli ya den-kei mɔgɔ fila sɔrɔn. Ala sarɛ le Yowɛli la. Wo tatugunnɛ le Abaya la.

²⁹ Lifayila den Mɛrari sɔrɛnu denu bi kɛnu na. Mɛrarila den-kei Mehali ya Libini sɔrɔn. Libini ya Simayi sɔrɔn. Simayi ya Yusa sɔrɔn.

³⁰ Yusa ya Simɛya sɔrɔn. Simɛya ya Hagaya sɔrɔn. Hagaya ya Asaya sɔrɔn.

Bato-Bon-Sigi-Salɛnu Bara-Koe

³¹ Mansa Dawuda ban tɔn-kenkirɛ ladonna Marita Fani-Bɔn la, a ya mɔgɛ donu yabɔ minnu si to fɔli-fan kɛla a rɔ nyɔ rɔ.

³² Yanni Mansa Silamɛni ni Bato-Bɔn sɔ tumɛ min, bɛɛ kɛnɛna ata wɔlɛ kɛla a wati rɔ Marita Fani-Bɔn wo la.

³³ Kebilɛ minnu bi wɔlɛ wo kɛla, wonu tɔgɛ le kɛnu na. Minnu bɔra Kohati kebilɛ rɔ, sigi-sala-kurun fɔlɔtɛ minnu bi nyɔ, Yowɛlila den Himan le wonu kun na. Yakoba kebila-mɔgɛ do le ale Himan na. Ka a bi Himan kɛ ma ka a sigi Yakoba la, wonu tɔgɛ le kɛnu na. Himan fa le Yowɛli la. Yowɛli fa le Samuwɛli la.

³⁴ Samuwɛli fa le Ɛlakena la. Ɛlakena fa le Yɛroham la. Yɛroham fa le Iliyɛli la. Iliyɛli fa le Towa la.

³⁵ Towa fa le Sufu la. Sufu fa le Ɛlakena la. Ɛlakena fa le Mehati la. Mehati fa le Amasayi la.

³⁶ Amasayi fa le Ɛlakena la. Ɛlakena fa le Yowɛli la. Yowɛli fa le Asaraya la. Asaraya fa le Sɛfanaya la.

³⁷ Sɛfanaya fa le Tahati la. Tahati fa le Asiri la. Asiri fa le Ibayasafi la. Ibayasafi fa le Kora la.

³⁸ Kora fa le Isihari la. Isihari fa le Kohati la. Kohati fa le Lifayi la. Lifayi fa le Yakoba la.

³⁹ Minnu bɔra Kɛrisɔn kebilɛ rɔ, sigi-sala-kurun fila nyɔgɛ minnu bi nyɔ, Esafi le wonu kun na. Lifayi kebila-mɔgɛ do le ale Esafi la. Ka a bi Esafi ma ka a sigi Lifayi la, wonu tɔgɛ le kɛnu na. Esafi fa le Bɛrɛkaya la. Bɛrɛkaya fa le Simɛya la.

⁴⁰ Simɛya fa le Maikali la. Maikali fa le Beyasɛya la. Beyasɛya fa le Malakiya la.

⁴¹ Malakiya fa le Ɛtɛnayi la. Ɛtɛnayi fa le Seraha la. Seraha fa le Adaya la.

⁴² Adaya fa le Itan la. Itan fa le Sima la. Sima fa le Simayi la.

⁴³ Simayi fa le Yehati la. Yehati fa le Kɛrisɔn la. Kɛrisɔn fa le Lifayi la.

⁴⁴ Minnu bɔra Mɛrari kebilɛ rɔ, sigi-sala-kurun sawa nyɔgɛ minnu bi nyɔ, Itan le wonu kun na. Lifayi kebila-mɔgɛ do le ale Itan la. Ka a bi Itan ma ka a sigi Lifayi la, wonu tɔgɛ le kɛnu na. Itan fa le Kisi la. Kisi fa le Abidi la. Abidi fa le Maluku la.

⁴⁵ Maluku fa le Hasabaya la. Hasabaya fa le Hamasa la. Hamasa fa le Helikaya la.

⁴⁶ Helikaya fa le Amasi la. Amasi fa le Bani la. Bani fa le Sima la.

⁴⁷ Sima fa le Mehali la. Mehali fa le Muhusi la. Muhusi fa le Mɛrari la. Mɛrari fa le Lifayi la.

⁴⁸ Anu ta-nyɔgɛ Lifayi kebila-mɔgɛ toenu ya Marita Fani-Bon-wɔli-toe kɛ.

Aruna Sɔrɛnu Bara-Koe

⁴⁹ Isɛnti-saraka-mintan-koe wo, anubɛ saraka-mintantɛnu anu bi minnu mintanna saraka-mintan-tinɛ kuma, Aruna anubɛ anuta kegeyɛnuta wɔlɛ le wo la. Sarakɛ minnu bi Isirɛla mɔgɛnu hakɛ yamatogonna wo, anubɛ batoli min bi kɛla Sɛnima-Sɛnima-Tinɛ bawo anu denu denu bi wo fanan kun na wo, anu ya wo damasi wɔlɛ kɛ a kilɛ fɛ iko Allata wɔli-kɛla Musa ya a fɔ anu ye nya min.

⁵⁰ Aruna sɔrɛnu tɔgɛ le kɛnu na. Arunala den Ɛliyasa ya Finihasi sɔrɔn. Finihasi ya Abisuwa sɔrɔn.

⁵¹ Abisuwa ya Buki sɔrɔn. Buki ya Yusayi sɔrɔn. Yusayi ya Sɛrahaya sɔrɔn.

⁵² Sɛrahaya ya Mɛrayoti sɔrɔn. Mɛrayoti ya Amaraya sɔrɔn. Amaraya ya Ahituba sɔrɔn.

⁵³ Ahituba ya Sedoki sɔrɔn. Sedoki ya Ahimahasi sɔrɔn.

Lifayi Bɔnsɔn Sigira Isirɛla Mɔgɛnu tɛma Nya Min

⁵⁴ Aruna min bɔra Kohati kebilɛ rɔ, a sɔrɛ wonu ya kan tinɛ minnu sɔrɔn, wo le kɛnu na. Lifayi bɛɛsi, a sa a nyɔgɔn kuma, ale Aruna kɛ sɔrɛnu denu fɔlɔfɔlɔn ya anuta dugi sɔrɔn koron-nakɛ fɛ nyamanɛ wo rɔ.

⁵⁵ Hiburɔn soe anubɛ kolo-fen de-nyini tinɛ min bi nyɔla foolɛ rɔ, nyɔ mara anutɛ la Yuda nyamanɛ rɔ.

⁵⁶ Kɔnɔ wɔli-kɛ-tinɛ anubɛ so-mɛsɛ minnu bi nyɔnuna foolɛ rɔ, anu ya wonu natenbi Yɛfunɛla den Kelabu ma.

⁵⁷ Aruna kegeyɛnutɛ le soe kɛnu na, Hiburɔn min bi lakisi-soyɛ la wo, Libina wo, Yatiri wo, Ɛsitɛmowa wo,

⁵⁸ Hailɛn wo, Diba wo,

⁵⁹ Asan wo, Bɛti-Simɛsi anubɛ kolo-fen de-nyini tinɛ minnu bi nyɔnuna foolɛ rɔ. Wo bɛɛ mara anu halalɛ la.

⁶⁰ Anu ya soe minnu sɔrɔn Bɛnyamɛta nyamanɛ rɔ, wo le kɛnu na, Kiba wo, Alɛmɛti wo, Anatɔti wo, anubɛ kolo-fen de-nyini tinɛ minnu bi nyɔnuna foolɛ rɔ. Wo bɛɛ mara anu halalɛ la. Aruna kegeyɛ ya soe minnu sɔrɔn, wo bɛɛsi lakofunɛ bɛnta so tan-ni-sawa ma.

⁶¹ Manasa bɔnsɔn-talɛ min bi tele-yigi wara la, Kohati kegeya-toe ya so-kun tan sɔrɔn wonu fanan tɛma.

⁶² Lifayila den Kɛrisɔn, wota kebila-mɔgɛnu ya so-kun tan-ni-sawa sɔrɔn bɔnsɔn nani tɛma Isirɛla nyamanɛ rɔ, Isakari bɔnsɔn tɛma wo, Asɛra bɔnsɔn tɛma wo, Nafatali bɔnsɔn tɛma wo, anubɛ Manasa bɔnsɔn-talɛ tɛma min bi Basan nyamanɛ rɔ.

⁶³ Lifayila den Mɛrari, wota kebila-mɔgɛnu ya so-kun tan-ni-fila sɔrɔn bɔnsɔn sawa tɛma Isirɛla nyamanɛ rɔ, Rubɛn bɔnsɔn tɛma wo, Kadi bɔnsɔn tɛma wo, anubɛ Sɛbulɔn bɔnsɔn tɛma.

⁶⁴ Isirɛla mɔgɛnu ya soenu di Lifayi mɔgɛnu ma ka le anubɛ kolo-fen de-nyini tinɛ minnu bi soe wonuna foolɛnu tɔ.

⁶⁵ (Soe minnu bi Yuda nyamanɛ rɔ wo, anubɛ minnu bi Simiyɔn anubɛ Bɛnyamɛta nyamanɛ rɔ wo, anu ya wonu tala koron-nakɛ fɛ.)

⁶⁶ Kohati kebila-mɔgɛ donu ya soe doinu anubɛ kolo-fen de-nyini-tinɛnu sɔrɔn Ifɛrɛm nyamanɛ rɔ.

⁶⁷ Anu ya soe minnu sɔrɔn nyɔ rɔ, wonu tɔgɛ le kɛnu na, anuna lakisi-soe Sɛkɛm min bi Ifɛrɛm kɔnkɔ-nyamanɛ rɔ wo, Kisari wo,

⁶⁸ Yokameyam wo, Bɛti-Hɔrɔn wo,

⁶⁹ Aiyalɔn wo, anubɛ Kati-Rimɔn.

⁷⁰ Anu ya soe minnu sɔrɔn Manasa bɔnsɔn-talɛnu tɛma tele-yigi wara la, soe wonu tɔgɛ le kɛnu na, Aneri wo, Bailɛyam wo, anubɛ kolo-fen de-nyini tinɛ minnu bi nyɔnuna foolɛnu tɔ. Wo bɛɛ mara anu halalɛ la.

⁷¹ Lifayila den Kɛrisɔn, wo kebilɛ ya soe donu sɔrɔn anubɛ kolo-fen de-nyini tinɛ minnu bi nyɔnuna foolɛnu tɔ. Anu ya minnu sɔrɔn Manasa bɔnsɔn-talɛ-mɔgɛnu tɛma tele-bɔɛ wara la, soe wonu tɔgɛ le kɛnu na, Kolan min bi Basan nyamanɛ rɔ anubɛ Asitɔra soe.

⁷² Anu ya minnu sɔrɔn Isakari bɔnsɔn-mɔgɛnu tɛma, soe wonu tɔgɛ le kɛnu na, Kɛdɛsi wo, Dabɛrati wo,

⁷³ Ramɔti wo, anubɛ Anɛm.

⁷⁴ Anu ya minnu sɔrɔn Asɛra bɔnsɔn-mɔgɛnu tɛma, soe wonu tɔgɛ le kɛnu na, Maisali wo, Abadan wo,

⁷⁵ Hulɔku wo, anubɛ Rihobu.

⁷⁶ Anu ya minnu sɔrɔn Nafatali bɔnsɔn-mɔgɛnu tɛma, soe wonu tɔgɛ le kɛnu na, Kɛdɛsi min bi Kalili nyamanɛ rɔ wo, Hamɔn wo, anubɛ Kiriyateyim.

⁷⁷ Lifayi bɔnsɔn-mɔgɛ toe minnu tora, Mɛrari kebilɛ, kɔni, wonu ya soe donu sɔrɔn anubɛ kolo-fen de-nyini tinɛ minnu bi nyɔnuna foolɛnu tɔ. Anu ya minnu sɔrɔn Sɛbulɔnta nyamanɛ rɔ, soe wonu tɔgɛ le kɛnu na, Rimɔn anubɛ Tebɔ.

⁷⁸ Anu ya minnu sɔrɔn Rubɛn bɔnsɔn-mɔgɛnu tɛma Yorodan bɛ tele-bɔɛ wara la Yɛrikɔ kɔma, wo le soe kɛnu na, Bisa min bi kɔnkɔ ralɛɛnɛ kuma wo, Yehasi wo,

⁷⁹ Kidɛmoti wo, anubɛ Mɛfeyati.

⁸⁰ Anu ya minnu sɔrɔn Kadi bɔnsɔn-mɔgɛnu tɛma, soe wonu tɔgɛ le kɛnu na, Ramɔti min bi Kaliyadi nyamanɛ rɔ wo, Mehaneyim wo,

⁸¹ Hɛsibɔn wo, anubɛ Yasa.