1 Ko-Kɔrɔta-Karan 25 - ALLALA KUMƐ

Bato-Bɔn Fɔli-Fen-Fɔlɛnu Bara-Koe

¹ Mansa Dawuda anubɛ Lifayi mɔgɔ-banu ya Lifayi bɔnsɔn-mɔgɛ donu yabɔ ka bɔ Esafi wo, Himan wo, anubɛ Yɛdutun kebilɛnu tɔ. Anu tenbi wɔlɔyiya-kumɛnu fɔla batoli-kɛ-tinɛ, wonu si siginu sa ka sɔrɔn anubɛ karanyanu fɔ. Sigi-salɛnu tɔgɛ le kɛnu na anubɛ anuna wɔli kɛ nya.

² Esafila den-kei mɔgɔ nanɛ minnu bi wɔlila ale kɔrɔ, wonu tɔgɛ le kɛnu na, Sakara wo, Yusufu wo, Nɛtanaya wo, anubɛ Asarela. Mansɛ wa Esafi manyinika wɔlɔyiya-kuma-fɔɛ la tuma-wo-tuma, anubɛ ala dannu si wɔlɛ wo kɛ.

³ Yɛdutunla den-kei mɔgɔ wɔrɛ minnu bi wɔlila ale kɔrɔ, wonu tɔgɛ le kɛnu na, Kɛdalaya wo, Seri wo, Yɛsaya wo, Simayi wo, Hasabaya wo, anubɛ Matetaya. Wonu tenbi wɔlɔyiya-kuma fɔla, anu si sɔrɔn fɔ ka Mari tanto.

⁴ Himanla den-kei mɔgɔ tan-ni-nanɛ minnu bi wɔlila ale kɔrɔ, wonu tɔgɛ le kɛnu na, Bukaya wo, Matanaya wo, Yusiyɛli wo, Subeyɛli wo, Yɛrɛmoti wo, Hananaya wo, Hanani wo, Ilaiyata wo, Kidalatayi wo, Romamiti-Ɛsɛri wo, Yosabɛkasa wo, Maloti wo, Hotiri wo, anubɛ Mahesiyoti.

⁵ Alla ya den-kei mɔgɔ tan-ni-nani anubɛ dunmusi mɔgɔ sawa di Himan kɛ ma, mansɛla nɛbi, kɔni. Alla ya lanyiri kiri Himan ye dan kɛnu bara-koe rɔ alako ale Himan wara-koe ni sabati.

⁶ Isirɛla mɔgɛnu tenbi batoli-kɛ-tinɛ, Himanta dan kɛnu bi karanya anubɛ sɔrɔnnu denu fɔla iko anu fa ye anu nabilala nya min. Anu fa mɔgɔ sawɛ kɛnu, Esafi wo, Yɛdutun wo, anubɛ Himan, wonu bi wɔlila mansa nyɛrɛ-nyɛrɛ le kɔrɔ.

⁷ Tolonna mɔgɔ mogan-ni-nanɛ kɛnu kusan dɔgɔma-ma-de! Anu ta-nyɔgɔ Lifayi bɔnsɔn-mɔgɛ doinu fanan kusan fɔli-fannu fɔla. Tolonnɛ wonu damasi lakofunɛ, anu mɔgɔ kɛmɛ fila, mɔgɔ bi-segin anubɛ mɔgɔ segin (288) de!

⁸ A kina wo, a dennɛ wo, min kusan wo, min bi a degenna wo, anu damasi ya wɔlɛ tala anu nyɔgɔn na koron-nakɛ fɛ.

⁹ Anu ya mɔgɔ kɛmɛ fila ani mɔgɔ bi-segin ani mɔgɔ segan (288) kɛnu tafara sigi tina mogan-ni-nani na iko anuna kebilɛ ye nya min. Kurun-wo-kurun, mɔgɔ tan-ni-fila le a rɔ. Kurɔn wonu kunyɛ tɔgɛ le kɛnu na iko anu bi wɔlila nya min. A kurun fɔlɔtɛ ye Esafila den Yusufu kɔrɔ. A fila nyɔgɛ ye Kɛdalaya kɔrɔ.

¹⁰ A sawa nyɔgɛ ye Sakara kɔrɔ.

¹¹ A nani nyɔgɛ ye Seri kɔrɔ.

¹² A loli nyɔgɛ ye Nɛtanaya kɔrɔ.

¹³ A wɔrɔ nyɔgɛ ye Bukaya kɔrɔ.

¹⁴ A wɔrɔnfila nyɔgɛ ye Yɛsarela kɔrɔ.

¹⁵ A segin nyɔgɛ ye Yɛsaya kɔrɔ.

¹⁶ A kɔnɔntɔ nyɔgɛ ye Matanaya kɔrɔ.

¹⁷ A tan nyɔgɛ ye Simayi kɔrɔ.

¹⁸ A tan-ni-kelen nyɔgɛ ye Yusiyɛli kɔrɔ.

¹⁹ A tan-ni-fila nyɔgɛ ye Hasabaya kɔrɔ.

²⁰ A tan-ni-sawa nyɔgɛ ye Subeyɛli kɔrɔ.

²¹ A tan-ni-nani nyɔgɛ ye Matetaya kɔrɔ.

²² A tan-ni-loli nyɔgɛ ye Yɛrɛmoti kɔrɔ.

²³ A tan-ni-wɔrɔ nyɔgɛ ye Hananaya kɔrɔ.

²⁴ A tan-ni-wɔrɔnfila nyɔgɛ ye Yosabɛkasa kɔrɔ.

²⁵ A tan-ni-segin nyɔgɛ ye Hanani kɔrɔ.

²⁶ A tan-ni-kɔnɔntɔ nyɔgɛ ye Maloti kɔrɔ.

²⁷ A mogan nyɔgɛ ye Ilaiyata kɔrɔ.

²⁸ A mogan-ni-kelen nyɔgɛ ye Hotiri kɔrɔ.

²⁹ A mogan-ni-fila nyɔgɛ ye Kidalatayi kɔrɔ.

³⁰ A mogan-ni-sawa nyɔgɛ ye Mahesiyoti kɔrɔ.

³¹ A mogan-ni-nani nyɔgɛ ye Romamiti-Ɛsɛri kɔrɔ.