SAM 87 - Khumi Common Language Bible

Jerusalem mary ai palo nai

¹ Areng ly chai parai nai mawi salo y, mymy i mary pui sa nai ne.

² Mymy ly Jerusalem mary pui ai Israela pri y awm nai takhra marychi bawibawi tleaung y khrei keh bo.

³ Aw Tameuh i mary pui, mymy ly nang i satang lyh ai awm nai, vai ang thui pi nai ly tangai ba.

⁴ Mymy i leu pei nai ly “Kai i leu tangai nai prichi amyn la nai khala, Aikupta pri hawi Babulon pri tabawi ai; Philistin pri, Turu pri hawi Ethiopia pri i khumichi py, Jerusalem mary i khumichi amyn la naira y tabawi ai.

⁵ Zion mawi ai ly khumi cheng cheaungkhangchi ai tapen nai amhm, nanai hawi, ati cheaungkhang sa thai nai Tameuh ly huni mawi ai khaw hai ai, nanai py khumichi my thui u ai.

⁶ Areng ly khumichi amyn tajiu ai; huni amynra y abawi nai khumi bawibawichi ai, Jerusalem mary i amynra y tabawi rau ai.

⁷ Huni khumi bawibawichi ly lam naimy, “Zion mawi ly achi nga nai amtheaungra bawibawi i sangum ne,” nanai khulym thui u nai ne.