SAM 82 - Khumi Common Language Bible

Samrang bawibawichi i Tameuh

¹ Tameuh ly kani pri mang y sa nai council meetingra i chairman ne; mymy i tameuhchi meetingra y tara chih pi nai ly

² “Nangchi adyh adawi y ai nai ly tara chih u moh; khumi hawi y naichi ai meimai khen iy tara chih u reng moh.

³ Khumi kamawnchi hawi nurochochi i nga ai avo nai mang y ama hai ai nai tla; kamawn katichi hawi jeaungmang nai khumichi i vui leu meitang tara chih pi ai nai tla.

⁴ Nichi ai khumi hawi naichi kiu i nai atleu pi ai nai tla.

⁵ “Nangchi ly cheng naira by y! Khri pa-rei akhum na ly! Nangchi ly meitang khyp, jawi tamang u bo; leu meitang adyh adawi nai sai ly khaileaung pri i nai tama veng bo.

⁶ ‘Nangchi ly tameuhchi ne,’ nanai hawi, tahm asang parai nai keung i chanauchi ne,’ nanai py kaimy kang thui pi bo.

⁷ Na i py nangchi ly khumichi kamta dei u ai; samrang i chapochi kamta, tlang vui tem u teang ai.

⁸ Aw Tameuh, jeu ly khaileaung pri ai peang ba; khumi cheng cheaungkhangchi ai nang ly peang nai ne.