SAM 8 - Khumi Common Language Bible

Tameuh i nang parai nai hawi khumi i tahm awm nai

¹ Aw kaichi i Areng Tameuh, nang i tahm asang nai sai ly khaileaung pri verei y niu pajau! Nang ai palo nai khulym raawi ly kani pri mang y khrairei tym na bo.

² Huni khulym ai ly deaungdichi hawi deaungdi chymplei naichi my thui u. Mymy ly paleung ka-echi kiu i nai lawira nga bo. Mymy ai ka-jo hau naichi ai paka nai ne.

³ Mymy i sa nai kani khusang ai py, sa yb nai lo hawi ka-si taukichi ai py kai ly kaniu nai ne.

⁴ Huna nai y khumi ly ati mana nai lawm iy, nang ly ni ai pany pi jo nai mo? Khumi ly ati mana nai lawm iy, nang ly ni ai kry pi lawh mo?

⁵ Ni ai kani pri amtaw thauchi tleaung y anem hai iy, ni ai sa thai naira hawi nang parai naira py pei pi nai ne.

⁶ Nang ly nangmy sa nai ati cheaungkhangchi ai peang ai nai pei pi bo.

⁷ Nangmy i sa nai si, beram, daichi mawichi,

⁸ tavo, ngo hawi pangli theung y awm nai cheaungkhangchi ai py, peang ai nai pei bo.

⁹ Aw kaichi i Areng Tameuh, nang i tahm asang nai saichi ly khaileaung pri verei y niu pajau nai ne.