SAM 58 - Khumi Common Language Bible

Khumi aso y naichi ai pajeng ai nai

¹ Nangchi peang nai keungchi awi, nangchi ly leu meitang naimy tara chih ai nai sa u a? Khumi bawibawichi ai leu meitang adyh adawi naimy tara chih u a?

² Nangchi ly huna nai kamta so y, nangmychi hawi y sa ai naini dawn u iy, pri theung y athorei my khrukhra nairachi sa u bo.

³ Hawi y sa nai khumichi ly mymychi deungrei, tamang nairachi naini sa u khyh; nichi ly mymychi tapen khyp khala i my, ka-chawi leu katheu u reng nai ne.

⁴ Nichi ly thailai awm nai pavuichi kamta ne; kano pang nai pavui thauvau ly

⁵ pavui sara i raawi ai py, mei amhyp kawp nai sara i atam nai ai py, thai y; nichi ly kano pang nai pavui thauvau kamta, mychi i kano tamym u bo.

⁶ Aw Tameuh, hini si parai nai khrangsi i nuchi ai khei pi vui ba.

⁷ Nichi ly leaung iy tama pawn reng nai tui kamta lawm u sy; khumi tako nai lamra i acha keungchi kamta, tei piu veng sy.

⁸ Nichi ly khai ju pawn reng nai naikanachi kamta lawm u na sy; kangvang ai mana khala py niu y nai, pahaw vui nai deaungdi kamta lawm u na sy.

⁹ Nichi ly athang khai y nai neng khala y acha keungchi kamta, ateng pawn nai avum u bo; Tameuh ly khri pa-rei kado theu nai deaungkho y, nichi ai tama hai pawn ai.

¹⁰ Khumi kahawichi ly kamngo sa nai khumichi ai pajeng naira avum nai niu nai khala, amo theu u ai; nichi ly khumi aso y naichi i thi y kheu asi u ai.

¹¹ Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.