SAM 54 - Khumi Common Language Bible

Paleung ka-echi teng i ama hai ai nai chiu sa nai

¹ Aw Tameuh, nang i sa thai naira hawi kai ai atleu ba; kai ai nang i atho hawi lawi hai kyh ba.

² Aw Tameuh, kai i chiu sa nai ai kano patheung pi kyh ba; kai i hnei takeng nai leu ai tangai pi kyh ba!

³ Paleung len amlyh nai khumichi ly kai ai tiu ai nai ang jeu u bo; Tameuh ai tahm khai y iy, pahyp y naimy ana nai khumichi ly kai ai padei ai nai atho sa u bo.

⁴ Na i py Tameuh ly kai ai sabawm nai keung ne; kai mang y asa iy ama hai nai keung ne.

⁵ Kai i paleung ka-echi i hawi y nai sai ly nichi ai pajeng ali teang ai nai Tameuh my so pi sy. Mymy ly ka-ym awm nai deaungkho y, nichi ai tamyh pawn ai.

⁶ Aw Areng, kai ly nang teng y amo theu parai naimy amthyp ai; nang ly hawi nai deaungkho y, kai ly kawn naimy palo ai.

⁷ Nang ly kai ai ngari kamtangchira i nai atleu pi bo; kai ly paleung ka-echi sum nai kaniu bo.