SAM 47 - Khumi Common Language Bible

Sa thai naira len keh nai samrang

¹ Khumi cheng cheaungkhangchi awi, amo theu nai kiu tabeang u! Tao pajeng parai naimy khulym thui iy, Tameuh ai palo u!

² Tahm asang parai nai Areng ly ka-jei hawi parai; mymy ly khaileaung pri verei y peang nai, nang parai nai samrang ne.

³ Mymy ly achi ai khumi cheng cheaungkhangchi ai pajau hai iy, pri tleireichi ai peang hai bo.

⁴ Mymy ly achi awm ai nai pri vawi takhra pi; huni pri ly mymy i tamen nai khumichi my amtym iy, tahm khai amlyh ai naira lawm bo.

⁵ Tameuh ly mymy i atehra bailang mang y lyn kalau bo; Areng lyn kalau nai khala, amo theu aeu nai raawichi hawi baw eng nai katynchi thai u nai ne.

⁶ Tameuh ai ly palo u; achi i samrang ai palo nai khulym thui pi u!

⁷ Tameuh ly khaileaung pri verei i samrang ne; khulymchi hawi mymy ai palo u!

⁸ Tameuh ly mymy i chai parai nai atehra bailang salo y ateh bo; pri neangneangchi ai peang nai ne.

⁹ Pri tleireichi ai peang nai samrangchi ly jeu iy, Abraham i chiu nai Tameuh i khumichi hawi vanrei achu u bo. Mymy ly khaileaung pri y awm nai tavaimi ngiereichi tleaung y sa thai naira awm keh; mymy ly sa thai nai ra awm keh nai samrang ne.