SAM 23 - Khumi Common Language Bible

Areng ly beram typ keung

¹ Areng ly kai i beram typ keung ne i, kai ai ang kry bo; naibaly kai ly ngai nai ryreichi nga nai ne.

² Mymy ly kai ai acha heng-a meingtymchira y anawn hai; Awmnemra tavo micheaung mang y ang pahawi bo.

³ Mymy ly kai ai atho kangtha ang pei; mymy i adeu pi nai kamta, lam kateng mang y ang pahawi bo.

⁴ Aw Areng, kai ly khri pa-rei veng nai leaunghawira y tako prei lawh teu i py, jei y ai; ati mana nai mo nabaly nang ly kai hawi vanrei awm nai deaungkho y ne. Nang i thengbeang hawi cheaungvawi ly kai ai awm hai nem ai.

⁵ Nang ly kai i vui paleung ka-e bawibawichi i mo y sabawi sawn pi rym bo. Tahm awm nai angvyn kamta, kai ai asitui lei iy lamchung bo. Kai i khau py lem na pa-rei kawi hai bo.

⁶ Meitang khyp, kai ly nang i pahen naira hawi tamen naira ai, kaimy deungrei kanga i, nang i yhm y heng nai ryrei kaawm ai.