SAM 15 - Khumi Common Language Bible

Tameuh i kangai sa nai khumi

¹ Aw Areng, nang i Achura yhm y ly ami kun pajau ai mo? Nang i Zion mawi kachai salo y ami chiu sa pajau ai mo?

² Ati cheaungkhangra y Tameuh i leu tangai iy, hawi naira sa jojo reng nai khumi, leu kateng kataw katheu reng nai khumi,

³ ami i tahm awm nai ai taphra vai y nai khumi ne. Huni khumichi ly mychi i ahawichi tlang tleaung y tamang vai y; yhm deaungpachi i satang py, hawi y nai satang hei vai y.

⁴ Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

⁵ Nichi ly katy lo y naimy, mychi i tangka alai ai nai pei reng; kamngo by y nai khumichi ai pasum ai nai molam, un langseaung la iy pany hai pi nai leu thui vai y. Huna nai khumichi ly chymme naimy awm jo ai.