SAM 142 - Khumi Common Language Bible

Sabawmra nga ai nai chiu sa nai

¹ Kai ly sabawmra nga ai nai Areng ai kapalau bo; mymy teng y ahui kajeaung kaji nai ne.

² Kai ly kaimy i ngai nai ngiereichi ai mymy teng y amti pi; kaimy i kamtang avum nai ngierei ly mymy teng y thui pi bo.

³ Kai ly paleung phra nai khala y kai i tako ai nai lam mymy pany nai ne. Kai i tako nai lam y paleung ka-echi ly kai i vui deaung pateung pi yb bo.

⁴ Kai i sahawi y khen nai khala y kai ai sabawm ai nai keung leaungrei ai py kaniu y; ama hai nai keung leaungrei py by y. Ami py kai ai dawndan y bo.

⁵ Aw Areng, sabawmra nga ai nai kai ly nang ai kang palau bo; aw Areng, nang ly kai ai ama hai nai keung; vai heng nai deung y nang leaungrei ai naini kai ly kadeaung nai ne.

⁶ Sabawm naira nga ai nai kai i aeu nai raawi tangai pi kyh ba; kai ly khri pa-rei paleung phra atho di na bo. Kai tleaung y khri pa-rei atho awm nai paleung ka-echi kiu i nai kai ai atleu kyh ba.

⁷ Kai ai ngari kamtangra i nai lawi hai kyh ba; nang ly kai ai huna nai kamta hawihai nai deaungkho y, kai ly nang i khumichi theung y nang ai kang palo ai.