SAM 130 - Khumi Common Language Bible

Sabawmra nga ai nai chiu sa nai

¹ Aw Areng, kai ly paleung phra naimy nang ai kang palau bo.

² Aw Areng, kai i aeu nai raawi tangai pi kyh ba; sabawmra nga ai nai kai i takeng nai raawi tangai pi kyh ba!

³ Nang ly kaichi i kamngochi tajiu pi typ jo ai nabaly, kamngo pajengra i nai ami tleaung pajau ai mo?

⁴ Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

⁵ Kai ly Areng i sabawm naira ajeng nai ne; mymy i adeu nai py ym bo.

⁶ Tamcheaungchi i khawn khutawi ajeng nai tleaung y, kai ly Areng ai ajeng patyp nai ne.

⁷ Aw Israela, Areng i tamen naira ly khaw parai nai ne i, mymy ly atleu ai nai neng tleirei awm yb nai deaungkho y, mymy ai ym u.

⁸ Mymy ly mymy i khumichi napi nai Israela ai kamngo bawibawira i nai atleu pi ai.