SAM 13 - Khumi Common Language Bible

Kasabawmra nga ai nai chiu sa nai

¹ Aw Areng, nang ly kai ai mana nai neng ryrei tami ai mo? deungtasarei tami ai a? Mana tanrei meimai hi pi vui ai mo?

² Kai ly mana tanrei patang ai mo? Kanithun py, vum py, mana tanrei paleung si, vo tangam ai mo? Kai i paleung ka-echi ly mana tanrei, kai i tlang tleaung y pajau u ai mo?

³ Aw kai i Areng Tameuh, kaimy kang palau nai khala, khen iy pathang pi ba. Kai ai atho angym hai aliteang kyh ba; kai ai dei hai moh kyh ba.

⁴ Kai i paleung ka-echi my, “Achi ly ni ai pajau bo,” nanai thui ai nai pei moh kyh ba. Nichi teng y kai i atlym nai molam y, amo theu ai nai pei moh kyh ba.

⁵ Kai ly nang i khaw parai nai tamen naira ai ym nai ne; nang ly kai ai atleu nai ne i, kai ly amo theu ai.

⁶ Aw Areng, nang ly kai ai hawi hai nai deaungkho y, kai ly nang teng y palo nai khulym thui ai.