SAM 129 - Khumi Common Language Bible

Israela chengchi i paleung ka-echi sum ai nai chiu sa nai

¹ Israela awi, nang deaungdi chy khala i dengdairei, paleung ka-echi my nang ai mana tanrei ana u mo, nanai kai ai thui pi.

² “Kai ai deaungdi chy khala i dengdairei paleung ka-echi ly khri pa-rei ana u bo; na i py nichi ly kai i tlang tleaung y eaung naira ngo u y leang.

³ Nichi ly kai i anangkengleng y tamo kalem nga hai nai deaungkho y, thawn nai lawichi awm nai li kamta lawn hai u bo.

⁴ Na i py leu meitang nai keung Areng ly kai ai miseaung i nai lawi hai bo,”

⁵ Zion mary ai niu ngai y nai khumi bawibawichi ly sum naira hawimy anaw u pawn sy.

⁶ Nichi ly yhm amphu salo y prau iy, keung cheang y rai khala, jeirawm veng nai acha keungchi kamta lawn u sy;

⁷ huni acha keungchi ai ly ami py pakym achu ai ny y.

⁸ “Areng ly nangchi ai amtheaung hai sy! Kaichi ly Areng i amyn y nangchi ai amtheaung naira kang pei bo,” nanai sahawi mang tako nai khumichi my nichi ai thui u ai ny y.